Menu principal

Menu principal

Majaṛ: Ẓẓunẓan tamenzit d tajmilt i ufelsu azzayri amaziɣ Afulay

Yeffeɣ-d ass n : Akras, 28 Yulyu 2021 08:28   Ɣran-t : 0 n tikkal
Majaṛ: Ẓẓunẓan tamenzit d tajmilt i ufelsu azzayri amaziɣ Afulay

BUDAPEST - Ẓẓunẓan, ass n usinas, deg Majaṛ, yiwet n tmenzit yerran tajmilt i ufelsuf azzayri amaziɣ Lucius Apuleius (Afulay), d tajmilt i wudem-a n yidles ameɣradan ay d-ilulen deg Suq Ahṛas.

Aẓunẓu n tmenzit-a yella-d deg ukatar n usfugel n tgemmi taṛumant deg Majaṛ yernu gan-t s tihawt n unmazal azzayri deg tmurt-a, Ali Mokrani.

Deg tinawt-nnes i lmend n waya, yerra udiplumati-a azzayri tajmilt i Ufulay yernu yenna-d dakken aya d asteɛṛef s wazal ay yesɛa umeskar-a deg tsekla tamajaṛit, am wakken ay d-yerna dakken argaz-a ameqqran yesɛa azal d axatar i tsutwin ay d-itteddun d twegda tadelsant tameɣradant yernu ad yurar tamlilt deg usejhed n wassaɣen n tammidwa gar uɣref azzayri d uɣref amajaṛi.

Zzayer terra tajmilt, acḥal d tikkelt, i umeskar-a ay yeddren aḥric seg tmeddurt-nnes deg Majaṛ, yernu yebder-d Mass Mokrani Arraz n Afulay ay tebda tettakf-it Temkarḍit Taɣelnawt deg 2004 i usebɣes n ufares n wungalen s tmaziɣt, taɛṛabt d tefṛansit.  

Adiplumati-a azzayri yebder-d daɣ, deg ukatar-a, asuddes ay yessuddes Useqqamu Unnig i Timmuzɣa, deg 2015, yiwen n usarag agraɣlan ɣef tṣekka n Ufulay, d win aydeg derwen Yiwanaken Yeddukklen, Ṭṭalyan, Fṛansa, Tunes d Meṛṛuk ɣer yidis n mennaw n yimnadiyen izzayriyen.

Imedrawen deg usarag-nni wekkden-d akk dakken Afulay, ay d-ilulen deg 125 deg Mdawṛuc, deg Suq Ahṛas, d « udem ay d-yeǧǧan adriz d axatar deg yidles agrakalan d tgemmi tanmaḍalt tarangant ».

 

Majaṛ: Ẓẓunẓan tamenzit d tajmilt i ufelsu azzayri amaziɣ Afulay
  Yeffeɣ-d ass n : Akras, 28 Yulyu 2021 08:28     Taggayt : LEZZAYER     Ɣran-t : 0 n tikkal   Bḍu