Menu principal

Menu principal

Akman adawsan: Asigel n tẓilla timazdayin deg tmesgidiwin

Yeffeɣ-d ass n : Asinas, 27 Yulyu 2021 11:18   Ɣran-t : 0 n tikkal
Akman adawsan: Asigel n tẓilla timazdayin deg tmesgidiwin

ZZAYER TAMANEƔT – Ixebber-d uɣlif n yiweẓla isɣananen, deg yiwen n ulɣu ay d-yessuffeɣ ass n uynas, dakken ad ttwaddmen kra n wakaten yerzan akman amuran deg 35 n twilayin n tmurt ɣef lǧal n waḍḍan n Covid-19 yernu gar-asen yella usigel n tẓilla timazdayin deg tmesgidiwin yellan deg twilayin-a.

Deg yiwet n lewṣaya ay yettwaznen i yinemhalen n yiweẓla isɣananen n twilayin, yenna-d uɣlif dakken « tasmilt n uḍfar n uɣlif tger-d tiɣri i uzrak n wakaten n usigel n tẓilla timazdayin deg tmesgidiwin ay rzan wakuden n ukman adawsan ».

Ɣetsen daɣ ad d-tili tuddna s tenfalit n « taẓallit deg yixxamen-nwen », ad tt-id-yales unaddan snat n tikkal deffir ma ifuk tuddna, am wakken ay yessefk ad yebded uselmed n Leqran deg tallunin yellan i waya d umdal n wammasen idelsanen islamanen deg twilayin-a.

Seg yidis niḍen, iger-d uɣlif tiɣri i uzrak umqit n wakaten-a deg unrar yernu ikellef imaswaḍen akken ad ḍefren asnas-a yernu ad d-xebbren ɣef wakk uguren ay zemren ad ten-id-mlilen deg umahil-nsen.

Aɣtas-a yella-d deg ukatar n usnas n wakaten n uɣlif amenzu yerzan asefrek n tezɣent tadawsant n tkaɣreft n unfafad bu uqacuc (Covid-19) i tallit n 10 n wussan. Gar wakaten-a yella-d daɣ ukman amuran seg tis 8:00 n yiḍ ɣer tis 6:00 n tnezzayt deg 35 n twilayin.

Last modified on Akras, 28 Yulyu 2021 07:46
Akman adawsan: Asigel n tẓilla timazdayin deg tmesgidiwin
  Yeffeɣ-d ass n : Asinas, 27 Yulyu 2021 11:18     Taggayt : LEZZAYER     Ɣran-t : 0 n tikkal   Bḍu