Menu principal

Menu principal

Isagg uneɣlaf amenzu ɣef usisseɣ n usensu amezwaru i udawi n yimuḍinen n Covid-19

Yeffeɣ-d ass n : Asinas, 27 Yulyu 2021 10:30   Ɣran-t : 0 n tikkal
Isagg uneɣlaf amenzu ɣef usisseɣ n usensu amezwaru i udawi n yimuḍinen n Covid-19

ZZAYER TAMANEƔT – Isagg uneɣlaf amenzu, Aimene Benabderrahmane, ass n uynas deg Zzayer Tamaneɣt, ɣef usisseɣ n usensu n Mazafṛan akken ad yemmager imuḍinen n Covid-19 ur yufin ara adeg deg yisegnafen. S waya, asensu-a ad yeqqel ad yettmagar imuḍinen n 5 n yisensa n tmaneɣt.

Iga uneɣlaf amenzu aya s tihawt n uneɣlaf n tdawsa, Abderrahmane Benbouzid, d uwali n Zzayer, Youcef Cheurfa.

Ɣef leḥsab n wayen ay as-d-ssegzan i Mass Benabderrahmane, ttwaheyyan-d 712 n wusuen deg 446 n texxamin i umager n yimuḍinen ara ifaken asegnef-nsen din s tmacinin n uneffes.

Tamhelt-a terza imuḍinen yettwasgenfen deg yisegnafen n Nafissa-Hamoud (Parnet zik), Mustapha-Pacha, Lamine-Debaghine (Maillot zik), Ddwira d Bni Messus.

Tixxamin n usensu-a sɛant akk isgulaf isnajyanen, isuga n uneffes d yislammasen n wuksijin, yernu heyyan-d daɣ din ifer i yimahalen isnajyanen.

 

Last modified on Akras, 28 Yulyu 2021 07:46
Isagg uneɣlaf amenzu ɣef usisseɣ n usensu amezwaru i udawi n yimuḍinen n Covid-19
  Yeffeɣ-d ass n : Asinas, 27 Yulyu 2021 10:30     Taggayt : LEZZAYER     Ɣran-t : 0 n tikkal   Bḍu