Menu principal

Menu principal

Tamsalt n « Pegasus »: Meṛṛuk mazal tesmayad i ubaɣur n Isṛayil

Yeffeɣ-d ass n : Akras, 21 Yulyu 2021 13:49   Ɣran-t : 0 n tikkal
Tamsalt n « Pegasus »: Meṛṛuk mazal tesmayad i ubaɣur n Isṛayil

ZZAYER TAMANEƔT – Tger Meṛṛuk iman-nnes deg temsalt niḍen n usmayed, d tin aydeg tettɛassa ineɣmasen imeṛṛukiyen d yimsaduren n yimidyaten iwerdaniyen s yiwen n useɣẓan isṛayili isem-nnes Pegasus yernu d aya ay d-yesskanayen dakken Meṛṛuk tesɛa assaɣen n unmireg d uyun aṣehyuni deg unrar-a.

Tamsalt-a d yiwet seg tefḍiḥin timeqqranin akk deg unrar n usmayed deg mraw n yiseggasen-a ineggura yernu tebda-d ass n usamas, mi d-ssuffɣen 17 n yimidyaten igraɣlanen ifḍaḥen ɣef useqdec n yiwen n useɣẓan isṛayili n usmayed isem-nnes Pegasus. Aseɣẓan-a d win yesmayaden umuɣ n 50.000 n wuṭṭunen n usawal akken ad ten-ɛassen yimeẓla n wumel.

Aseɣẓan n Pegasus yezmer ad ibaḍ asawal amiɣis n kra n umdan yernu yezmer ad yadef ɣer wakk agbur n usawal-nni. Yezmer daɣ ad yadef ɣer usawaḍ n usawal-nni d tkamra-nnes. Meṛṛuk d yiwet seg tmura ay yesseqdacen aseɣẓan-a.

« Seg wasmi ay d-tekcef tuddsa tarnabaḍt n Amnesty International, deg 2020, aseqdec n useɣẓan-a i usmayed ɣef uneɣmas ameṛṛuki n tsestant Omar Radi, ineɣmasen imeṛṛukiyen imzarugen niḍen yudef-iten ccek dakken ula d nitni zemren ad ttwaḥakṛen s wahil-a n usnuḍef ay tesnuzuy teṛmist tisṛayilit n NSO Group », ay yennummen tettwarday s umahil-nnes d yinhilen isnarfanen ».

Umuɣen n wuṭṭunen n usawal ay d-yettwafernen d ayen ay d-yesseknen dakken anhil ameṛṛuki yesseqdec Pegasus akken ad iḥakeṛ nagrawi ineɣmasen ay izeɣɣnen adabu d yimḍebbren n yiɣmisen imeqqranen n tmurt-a.

 

Tamsalt n « Pegasus »: Meṛṛuk mazal tesmayad i ubaɣur n Isṛayil
  Yeffeɣ-d ass n : Akras, 21 Yulyu 2021 13:49     Taggayt : LEZZAYER     Ɣran-t : 0 n tikkal   Bḍu