Menu principal

Menu principal

Akaten n usaruf: Yezmel uselway Tebboune snat n tanaḍin tiselwayanin

Yeffeɣ-d ass n : Aynas, 19 Yulyu 2021 08:57   Ɣran-t : 0 n tikkal
Akaten n usaruf: Yezmel uselway Tebboune snat n tanaḍin tiselwayanin

ZZAYER TAMANEƔT – Yezmel uselway n tegduda, Abdelmadjid Tebboune, aɣella anafella n yiɣallen umrigen, aneɣlaf n umzaɣ aɣelnaw, ass n usamas, snat n tanaḍin tiselwayanin yerzan akaten n usaruf i ubaɣur 11.896 n yimdanen ay yettwassaẓren taẓirt d tagarant, d yimkurma ay d-yewwin ikayaden n ulmud d usileɣ amsadur, ɣef wakken ay d-yenna yiwen n ulɣu n tselwit n tegduda.

« Yezmel uselway n tegduda, Mass Abdelmadjid Tebboune, aɣella anafella n yiɣallen umrigen, aneɣlaf n umzaɣ aɣelnaw, ass-a, snat n tanaḍin tiselwayanin. Tamezwarut terza akaten n usaruf i ubaɣur n yimdanen yettwaskurman neɣ ur ttwaskurman, ttwassaẓren taẓirt d tagarant yernu taẓirt-nsen ggran-as-d kan mraw sin (12) n wayyuren neɣ ur ttawḍen ara », ɣef wakken ay d-yebder ulɣu-a.

Tanaḍt tis snat d tin ay yessefran « akaten n usaruf i ubaɣur n yimdanen yettwassaẓren taẓirt d tagarant yernu wwin-d ikayaden-nsen n ulmud d usileɣ amsadur (agerdas n ulmud alemmas, lbak, agerdas asdawan, aselkin n usileɣ amsadur d tenḍi », yernu ggran-asen-d kan simraw kuẓ (24) n wayyuren neɣ ur ttawḍen ara ».

Tanaḍt-a n usaruf ur d-ddin ara deg-s wid ay igan « tijrimin yeqqnen ɣer tremɣa d usfata, tijrimin n usgufsu ay d-yettwabedren yernu ttwaweddbent s wakaten n usaḍuf 06-01 yerzan aḥezzeb d umennuɣ mgal usgufsu, irkaḍen n usaḍuf d uglugen n usenfel n uqariḍ d umussu n yihriten, tanɣemdant s tmeɛmada, timenɣiwt n yimawlan, timenɣiwt n yigerdan, tiyita d waggas s tmeɛmada yessawaḍen ɣer tmettant, aḍḍan neɣ timmeɛdeṛt timezgit akked tmenɣiwt ur yellin s tmeɛmada ».

Daɣ, ur terzi ara temsalt wid ay igan « tijrimin n uxḍaf, askurmu d utɛeddi ɣef lḥeṛma n wumẓiyen ama tella-d tekriḍt d tedbert d waya, neɣ ur d-telli, d tejrimin n uxḍaf n yimdanen deg ukatar n usaḍuf 20-15 n 30 Dujembeṛ 2020 yerzan aḥezzeb d umennuɣ mgal yirkaḍen n uxḍaf n yimdanen, tijrimin n usetti n tehyufin d yiminigen, d tejrimin yeqqnen ɣer tegrawin n yigmamen ay ttweddiben wakaten n tanaḍt 20-03 n 30 Ɣuct 2020 », ɣef wakken ay d-yenna uɣbalu-a.

Ur terzi ara daɣ temsalt wid ay igan « tijrimin n usmeḥyef d yinaw n wakkaḍ, tijrimin n yinṭagen d yinguzen mgal udabu n uwanak, tisuda-nnes, inawaren-nnes d tummda tagelluyant, tijrimin n umsegraw umrig d uḥettet i umsegraw, tijrimin n urkaḍ n uzrak d tekriḍt mgal yiɣsuren n tdawsa neɣ imahalen-nsen deg ukatar n tsunḍa 20-01 n 30 Yunyu 2020 yessenfalen yernu tessmad angal n uweddeb ».

 

Last modified on Akras, 21 Yulyu 2021 14:09
Akaten n usaruf: Yezmel uselway Tebboune snat n tanaḍin tiselwayanin
  Yeffeɣ-d ass n : Aynas, 19 Yulyu 2021 08:57     Taggayt : LEZZAYER     Ɣran-t : 0 n tikkal   Bḍu