Menu principal

Menu principal

Zzayer teɣra-d i unmazal-nnes deg Rrbaṭ i umciweṛ

Yeffeɣ-d ass n : Aynas, 19 Yulyu 2021 07:33   Ɣran-t : 0 n tikkal
Zzayer teɣra-d i unmazal-nnes deg Rrbaṭ i umciweṛ

ZZAYER TAMANEƔT – Teɣtes Zzayer ad d-tɣer i unmazal-nnes deg Rrbaṭ akken ad temciweṛ yid-s war leɛḍil ɣef umzellew-nni ay tga tgensest tadiplumatit tameṛṛukit deg New York ay yesdegren tanqiḍt d tunṣibt i yimaslaḍen n Umussu n Tmura Ur Iderreren, d tin aydeg Meṛṛuk « tedhel nagdudi yernu taɛinanit ayen umi tsemma azref n uguccelman n uɣref aqbayli », ɣef wakken ay d-yenna, ass n usamas, yiwen n ulɣu n uɣlif n yiweẓla iwerdaniyen, d wa ay d aḍris-nnes ummid:

« Deg tesguri n uɣlif n yiweẓla iwerdaniyen d umɣiwan aɣelnaw deg uzɣar, ay d-yettwasnugden ass n 16 Yulyu 2021, yettwabder-d dakken Zzayer tegguni Tagelda n Meṛṛuk akken ad d-tessegzu addud-nnes agaran deg wayen yerzan tagnit-a tamaglayt armi dayen kan ay d-yellan ɣef lǧal n wawal ur yettwaqbalen ay d-yenna unmazal-nnes deg New York.

Ɣef waya, imi ur d-telli ara tririt iwatan seg yidis ameṛṛuki, tettwaɣtes, ass-a, teɣri, war leɛḍil, i unmazal n Zzayer deg Rrbaṭ, war ma yergel waya abrid akken ad ttwaddmen wakaten niḍen deg ukatar n temsalt-a ».

 

Zzayer teɣra-d i unmazal-nnes deg Rrbaṭ i umciweṛ
  Yeffeɣ-d ass n : Aynas, 19 Yulyu 2021 07:33     Taggayt : LEZZAYER     Ɣran-t : 0 n tikkal   Bḍu