Menu principal

Menu principal

Tagnit tadawsant deg Tunes: Adiwenni ansawal gar uselway Tebboune d umtil-nnes Kais Saied

Yeffeɣ-d ass n : Asinas, 13 Yulyu 2021 09:21   Ɣran-t : 0 n tikkal
Tagnit tadawsant deg Tunes: Adiwenni ansawal gar uselway Tebboune d umtil-nnes Kais Saied

ZZAYER TAMANEƔT – Yella-d, ass n uynas, udiwenni ansawal gar uselway n tegduda, Mass Abdelmadjid Tebboune, d umtil-nnes atunsi, Kais Saied, d win ay ssawlen ɣef tegnit tadawsant deg Tunes, yernu yessenfali-d uselway n tegduda « tamsetlelt n Zzayer d uɣref atunsi agmat deg umennuɣ-nnes mgal tkaɣreft n Covid-19 », ɣef wakken ay d-yenna yiwen n ulɣu n tselwit n tegduda.

« Aselway n tegduda, Mass Abdelmadjid Tebboune, yessawel, ass-a, s usawal d umtil-nnes aselway n Tegduda n Tunes, Kais Saied, yernu wwin-d awal ɣef tegnit tabayyurant d umhaz ay d-yellan tagara-a deg tegnit tadawsant deg Tunes », ɣef wakken ay d-yenna ulɣu-a.

I lmend n waya, yessenfali-d uselway Tebboune « tamsetlelt n Zzayer, s uɣref-nnes, anabaḍ d uselway-nnes, d uɣref atunsi agmat deg umennuɣ-nnes mgal waḍḍan n Covid-19 », am wakken ay d-iwekked dakken Zzayer « ad tessiweḍ, ass n usinas 13 Yulyu 2021, tallalt n 250.000 n tukfiwin n tgezzayt d warrum asnajyan n tallalt tamenzut » ɣer Tunes akken ad tqabel tagnit tadawsant aydeg tella.

Iwekked-d uselway n tegduda dakken « Zzayer akken ma tella tewjed ad tedhel Tunes taweltmat ma terra tmara », ɣef wakken ay tt-id-yextem uɣbalu-a.

 

 

Last modified on Asinas, 13 Yulyu 2021 16:20
Tagnit tadawsant deg Tunes: Adiwenni ansawal gar uselway Tebboune d umtil-nnes Kais Saied
  Yeffeɣ-d ass n : Asinas, 13 Yulyu 2021 09:21     Taggayt : LEZZAYER     Ɣran-t : 0 n tikkal   Bḍu