Print this page

Aḍḍan n Covid-19: Timesɣiwt n 1,6 d amelyun n tukfiwin n tgezzayt seg Ccinwa

Yeffeɣ-d ass n : Asinas, 13 Yulyu 2021 08:07   Ɣran-t : 0 n tikkal
  • Bḍu
Aḍḍan n Covid-19: Timesɣiwt n 1,6 d amelyun n tukfiwin n tgezzayt seg Ccinwa

LEZZAYER TAMANEƔT – Yers-d yiwen n usafag n umesni aredsan, ass n usamas tameddit, deg uzadur agennan n Bufarik (Leblida), yewwi-d yid-s amelyun d sḍiset n tmaḍ n yigiman (1.600.000) n tukfiwin n tgezzayt mgal waḍḍan n Covid-19 ay d-yekkan seg Tegduda Taɣerfant n Ccinwa, ɣef wakken ay d-yenna, ass n uynas, yiwen n ulɣu n uɣlif n umzaɣ aɣelnaw.

« Deg ukemmel n wussisen i umennuɣ mgal unfafad bu uqacuc, yers-d yiwen n usafag n umesni aredsan, ass n usamas 11 Yulyu 2021 deg uzadur agennan n Bufarik (Tamnaḍt Taredsant 1ut), yewwi-d yid-s amelyun d sḍiset n tmaḍ n tukfiwin n tgezzayt mgal waḍḍan n Covid-19 ay d-yekkan seg Tegduda Taɣerfant n Ccinwa », ɣef wakken ay d-yenna ulɣu n uɣlif n umzaɣ aɣelnaw.

Tamhelt-a tettwekkid-d, tikkelt niḍen, dakken Taredsa Taɣelnawt Taɣerfant « mazal-itt dima tewjed akken ad teg tuɣdaḍin-nnes yernu ad d-terr tiɣri i uɣlan yernu ad as-tebded i lmendad i uɣref azzayri akken teɣs tili tegnit », ɣef wakken ay tt-id-textem teftart n uɣlif n umzaɣ.

 

Last modified on Akras, 14 Yulyu 2021 07:33
Aḍḍan n Covid-19: Timesɣiwt n 1,6 d amelyun n tukfiwin n tgezzayt seg Ccinwa
  Yeffeɣ-d ass n : Asinas, 13 Yulyu 2021 08:07     Taggayt : LEZZAYER     Ɣran-t : 0 n tikkal   Bḍu