Menu principal

Menu principal

Yella-d uwekked ɣef udhal n Lezzayer i yizrazaɣen iwniriyen

Yeffeɣ-d ass n : Aynas, 21 Yunyu 2021 12:26   Ɣran-t : 0 n tikkal
Yella-d uwekked ɣef udhal n Lezzayer i yizrazaɣen iwniriyen

LEZZAYER TAMANEƔT – Iwekked-d Useqqamu Aɣelnaw n Yizerfan n Umdan, ass n usamas, ɣef temlilt n Lezzayer deg udhal n yizrazaɣen iwniriyen s uselhu n tegit n tmedurt deg yigruren n yizrazaɣen deg Tinduf.

« Lezzayer tezga tetteg ussisen i lmend n uselhu n tdumṣukin d temṣukin tumasanin i lfayda n yizrazaɣen iwniriyen », ɣef wakken ay d-yenna useqqamu deg yiwen n ulɣu i lmend n Wass Agraɣlan n Yizrazaɣen.

Iwekked-d daɣ dakken « Lezzayer tettmahal akken ad tebded i yizrazaɣen iwniriyen d tegrawt n Tuddsa n Yiɣlanen Yeddukklen yettwawekklen deg Lezzayer, ladɣa Tasmirit Tunnig i Yizrazaɣen d tneggiwin tɣelduklanin idehlen ahil yettwawehhan i yizrazaɣen iwniriyen ».

Aseqqamu Aɣelnaw n Yizerfan n Umdan yesmekti-d dakken Lezzayer tettmahal s ublag d Tesmirit Tunnigt i Yizrazaɣen i uḥbas n uzraɛ n unfafad bu uqacuc gar yizrazaɣen s usefrey n yizrazaɣen deg tallit n tkaɣreft d usebges n teɣbula timernanin i uqabel n yisraten n yizrazaɣen d uḍman n ufṣad-nsen.

Iger-d tiɣri useqqamu, daɣ, i « tḍullit n usiweḍ n tgezzayt i yizrazaɣen, ladɣa imi anfafad bu uqacuc mazal yettḥaz medden war asemgerrad ».

 

 

Yella-d uwekked ɣef udhal n Lezzayer i yizrazaɣen iwniriyen
  Yeffeɣ-d ass n : Aynas, 21 Yunyu 2021 12:26     Taggayt : LEZZAYER     Ɣran-t : 0 n tikkal   Bḍu