Menu principal

Menu principal

Anfafad bu uqacuc: 277 n tejṛa timaynutin, 203 n tujjyiwin d 8 n tmettanin

Yeffeɣ-d ass n : Aynas, 07 Yunyu 2021 10:32   Ɣran-t : 0 n tikkal
Anfafad bu uqacuc: 277 n tejṛa timaynutin, 203 n tujjyiwin d 8 n tmettanin

LEZZAYER TAMANEƔT – Ttwawekkdent-d snat n tmaḍ d samraw sat (277) n tejṛa timaynutin n unfafad bu uqacuc (aḍḍan n Covid-19), 203 n tujjyiwin d 8 n tmettanin deg tecrawt taneggarut deg Lezzayer, ɣef wakken ay d-yenna, ass n ukwas, yiwen n ulɣu n uɣlif n tdawsa.

Aɣrud n tejṛa d-yettwawekkden n unfafad bu uqacuc yewweḍ ɣer 130.958, gar-asent 277 n tejṛa timaynutin. Aɣrud n tmettanin yewweḍ ɣer 3.518, ma d amḍan n yimuḍinen yejjin yewweḍ ɣer 91.198, ɣef wakken ay d-yenna ulɣu-a.

Seg yidis niḍen, 19 n yimuḍinen ay yellan, imir-a, deg usesfer aneẓẓaw, ɣef wakken ay d-yerna uɣbalu-a.

Seg tama niḍen, 21 n twilayin aydeg ur d-telli ula d yiwet n tejṛut deg tecrawt taneggarut. 19 n twilayin kelsent-d gar 1 d 9 n tejṛa, deg wakud aydeg 8 n twilayin kelsent-d ugar n 10 n tejṛa.

Aɣlif yesmekti-d, i lmend n waya, dakken tagnit tasenbayyurant aydeg tella tmurt tessurut-d seg yal aɣerman ad iḥader yernu ad yezrek ilugan n wuɣus d umgugu afekkan, am wakken ay d-iḥettet ɣef uzrak n ukman d tmelsiwt n tgelmust.

 

Anfafad bu uqacuc: 277 n tejṛa timaynutin, 203 n tujjyiwin d 8 n tmettanin
  Yeffeɣ-d ass n : Aynas, 07 Yunyu 2021 10:32     Taggayt : LEZZAYER     Ɣran-t : 0 n tikkal   Bḍu