Menu principal

Menu principal

Yumeṛ uselway Tebboune s usenqes n tmeqraḍ n usezdeɣ s 20% i Yizzayriyen ara d-irezfen ɣer tmurt

Yeffeɣ-d ass n : Aynas, 31 Mayu 2021 10:18   Ɣran-t : 0 n tikkal
Yumeṛ uselway Tebboune s usenqes n tmeqraḍ n usezdeɣ s 20% i Yizzayriyen ara d-irezfen ɣer tmurt

LEZZAYER TAMANEƔT – Yumeṛ uselway n tegduda, Mass Abdelmadjid Tebboune, ass n usamas, deg temlilit tawalant n Useqqamu n Yineɣlafen, s usenqes n 20% deg tmeqraḍ n usezdeɣ i Yizzayriyen ara d-yeqqlen ɣer tmurt, ɣef wakken ay d-yenna yiwen n ulɣu n Useqqamu n Yineɣlafen.

Deffir ma yessefled i umlu n uneɣlaf amenzu ɣef urmud n unabaḍ deg sin n yimalasen ineggura, yumeṛ uselway Tebboune akken « ad ɛfun i yimezrawen d yimɣaren izzayriyen ur yettaɣen ara aṭas akken ur ttxelliṣen ara timeqraḍ n usezdeɣ yerzan aɛzal mi ara d-qqlen ɣer tmurt », am wakken ara « d-sneqsen s 20% timeqraḍ n usezdeɣ i Yizzayriyen ara d-yeqqlen ɣer tmurt », ɣef wakken ay d-yenna uɣbalu-a.

I usmekti, Air Algerie tefka-d, ass n usiḍyas deg yiwen n ulɣu, ahil-nnes n waffugen d watigen n usikel deffir ma ɣetsen yiduba arẓam amuran n tlisa tigennanin.

S waya, twekked-d tkebbanit-a dakken affugen ad d-qqlen seg 1 Yunyu 2021 d asawen s waffug n Qsenṭina-Tunes-Qsenṭina yal asimwas, Lezzayer-Sṭembul-Lezzayer (yal asamas), Lezzayer-Paris-Orly-Lezzayer (yal asinas d ukwas), Lezzayer-Marseille-Wehṛan (yal asimwas) d Lezzayer-Barcelona-Lezzayer (yal akras).

Deg wayen yerzan atigen, Air Algerie tenna-d, deg ulɣu-nnes, dakken tanfult n usafag seg Tunes teswa 591 n yidinaṛen itunsiyen (tawadda d tuqqla s wakk tiẓeṭṭaḍin). Tanfult tawadda-tuqqla seg Sṭembul teswa 686 n twadda-tuqqla. Tanfult tawadda-tuqqla seg Paris teswa 518 n wuṛuten. Tanfult tawadda-tuqqla seg Marseille teswa 391 n wuṛuten. Tanfult tawadda-tuqqla seg Barcelona teswa 317 n wuṛuten.

Timeqraḍ n usekmen sebḍen-tent ɣer 41.000 n yidinaṛen (s wakk tiẓeṭṭaḍin) yernu ad ttwaxellṣent s uqariḍ awerdani (ala win ara d-yasen seg uzɣar ara tent-ixellṣen) yernu d tid ara d-iḥazen timeqraḍ n umesni ɣer udeg n usekmen (asensu), asezdeɣ deg udeg-nni s wučči d ukayad n usefqed n waḍḍan n Covid-19 deg tgara n usekmen-nni.

Wid yesɛan sin n yigerdan n ddaw 12 n yiseggasen ur ttxelliṣen ara timeqraḍ n usekmen, ɣef wakken ay d-tenna teftart-a.

Deg wayen yerzan tiwtilin n wadaf ɣer Lezzayer, tenna-d tkebbanit-a imdanen yesɛan nnig 12 n yiseggasen yessefk daɣ ad sɛun aselkin n ukayad n RT-PCR COVID d ibaw ay d-yeffɣen, ma aṭas, 36 n yisragen uqbel ma yeqleɛ bab-nnes ɣer Lezzayer. Aselkin-a yessefk ad yili yura ya s taɛṛabt, ya s tefṛansit, ya s tanglizit yernu yessefk ad t-id-yessken bab-nnes ɣer uklas d wawwaḍ.

 

Last modified on Asinas, 01 Yunyu 2021 13:10
Yumeṛ uselway Tebboune s usenqes n tmeqraḍ n usezdeɣ s 20% i Yizzayriyen ara d-irezfen ɣer tmurt
  Yeffeɣ-d ass n : Aynas, 31 Mayu 2021 10:18     Taggayt : LEZZAYER     Ɣran-t : 0 n tikkal   Bḍu