Print this page

Ass n umezraw d amekti n udraw n tillumẓa tazzayrit deg uslelli d tmeṣkiwt n tmurt

Yeffeɣ-d ass n : Akras, 19 Mayu 2021 09:51   Ɣran-t : 0 n tikkal
  • Bḍu
Ass n umezraw d amekti n udraw n tillumẓa tazzayrit deg uslelli d tmeṣkiwt n tmurt

LEZZAYER TAMANEƔT – Asfugel n wass aɣelnaw n umezraw, deg 19 Mayu, d win d-yesmektayen s udraw n tillumẓa tazzayrit deg uslelli d tmeṣkiwt n tmurt-nnes yernu yella-d waya, aseggas-a, kra kan n wussan deffir usfugel n wass aɣelnaw n tkatut ass n 8 Mayu.

Ass n 19 Mayu 1956, gan yimezrawen izzayriyen asunded yernu ɣetsen ad ffɣen seg tesdawiyin d tesnawiyin akken ad derwen deg Tegrawla. S waya, rran-d tiɣri i Tdukli Tamatut n Yimezrawen Inselmen Izzayriyen yernu dehlen adhal d axatar amennuɣ n uɣref azzayri akken ad yeɣḍel azaglu n usehres afṛansi.

Tadyant-a ara d-yeqqimen deg tkatut d tin ay yeqqlen d ass aɣelnaw n umezraw ay iderwen mliḥ deg usgerɣel n temsalt taɣelnawt.

Adraw n yimezrawen izzayriyen deg Tegrawla n Wamber 1954 d ayen ay tt-yeǧǧan ad d-tesfaydi seg tissugriwin d-yekkan seg tɣula yemgerraden. Imezrawen llan d ikataren deg Tredsa n Uslelli Aɣelnaw yernu d aya ay as-yefkan i tredsa-a udem d atrar, imeṣken yernu yessuddes.

I usmekti, asfugel n umulli wis 64 n Wass Aɣelnaw n Umezraw d win aydeg d-caren, ilindi, targa tasnetlant n « El Maarifa » i ulmud anemgag.

 

Ass n umezraw d amekti n udraw n tillumẓa tazzayrit deg uslelli d tmeṣkiwt n tmurt
  Yeffeɣ-d ass n : Akras, 19 Mayu 2021 09:51     Taggayt : LEZZAYER     Ɣran-t : 0 n tikkal   Bḍu