Menu principal

Menu principal

Yeɣra-d uselway aṭerki i uselway Tebboune s usawal

Yeffeɣ-d ass n : Akras, 12 Mayu 2021 09:33   Ɣran-t : 0 n tikkal
Yeɣra-d uselway aṭerki i uselway Tebboune s usawal

LEZZAYER TAMANEƔT – Yessawel uselway n tegduda, Mass Abdelmadjid Tebboune, ass n usinas, d umtil-nnes aṭerki, Recep Tayyip Erdogan ay as-d-ihennan lɛid ama i netta, ama i uɣref azzayri, yernu yessarem-asen afara d tenkelwitn, ɣef wakken ay d-yenna yiwen n ulɣu n tselwit n tegduda.

« Aselway n tegduda, Mass Abdelmadjid Tebboune, yeɣra-as-d, ass-a, gma-s, aselway aṭerki, Mass Recep Tayyip Erdogan, ay as-d-ihennan lɛid tameẓẓyant yernu yessarem-as ama i netta, ama i uɣref azzayri, ugar n ufara d tenkelwit », ɣef wakken ay d-yenna ulɣu-a.

« Ihenna-as-d daɣ Mass Aselway lɛid ama i netta, ama i uɣref aṭerki agmat ».

Sin-a n yiselwayen « msenfalen timuɣliwin-nsen ɣef tedyanin tineggura deg yigelluyen ifalesṭiniyen yettwawedgen yernu msegzan dakken yessefk ad yeḥbes utɛeddi aṣehyuni ɣef uɣref afalesṭini ur yesɛin amzaɣ d yizamulen-nnes uqdisen », ɣef wakken ay d-yerna ulɣu-a.

Adiwenni-a ansawal « yella-d d talemmiẓt i uselway n tegduda d umtil-nnes aṭerki akken ad d-ssukken tiṭ ɣef tegnit deg Libya deg ukatar n wayen ay d-yeḍran deg-s seg melmi kan d yiglan yellan deg tmurt-a ». Sin-a n yiselwayen msegzan dakken ur ttɛeṭṭilen ara ad myagaren i umahel akken ur d-yettili ara umzellew ay izemren ad yeswaɣ iksaben ay d-yellan ».

 

 

Last modified on Akras, 12 Mayu 2021 16:07
Yeɣra-d uselway aṭerki i uselway Tebboune s usawal
  Yeffeɣ-d ass n : Akras, 12 Mayu 2021 09:33     Taggayt : LEZZAYER     Ɣran-t : 0 n tikkal   Bḍu