Menu principal

Menu principal

Timlilit n unabaḍ: Asekyed n 10 n yisenfaren n tanaḍin tislekmanin yerzan mennaw n yigzumen

Yeffeɣ-d ass n : Akras, 12 Mayu 2021 09:10   Ɣran-t : 0 n tikkal
Timlilit n unabaḍ: Asekyed n 10 n yisenfaren n tanaḍin tislekmanin yerzan mennaw n yigzumen

LEZZAYER TAMANEƔT – Yessekyed unabaḍ yiwen n udatsenfar n tanaḍt d mraw (10) n yisenfaren n tanaḍin tislekmanin yerzan igzumen n tedrimt, taẓwert, idles, tanazent d tnezzut, deg yiwet n temlilit ay yesselwi, ass n usinas, uneɣlaf amenzu Abdelaziz Djerad s usarag n teẓrit, ɣef wakken ay d-yenna yiwen n ulɣu n yimeẓla n uneɣlaf amenzu.

1- Yesla unabaḍ i yiwen n uneskin ay d-yessemned uneɣlaf n tedrimt yerzan asenfar n tanaḍt taslekmant d-isebḍen tiwtilin d teskarin n tukksa n tmekkas, aslaḍ d tmuzayt n tedwat d uxelleṣ n tmeqraḍ yeqqnen ɣer waya.

2- Yesla unabaḍ i yiwen n uneskin ay d-yessemned uneɣlaf n teẓwert ɣef sin n yisenfaren n tanaḍin tislekmanin d-yesbudan tisekkirin i usuter n yisirgen n tmeṣkiwt n temṣukin n umesni n yifarisen ipitṛulanen s yiqudas d unagraw n umesni s yiqudas.

3- Anabaḍ yesla i yiwen n uneskin d-tessemned tneɣlaft n yidles yerzan kuẓ n tanaḍin tislekmanin d-isebḍen: (i) tiskarin n usedger n usuter anagdud n udlis (ii) tiskarin n udhal n uwanak i umesni n udlis s watig ayiwnan n udlis i lfayda n temnaḍin tuggigin (iii) tiskarin n tukci n usireg inezwer i lmend n usuddes n tedyanin tinagdudin yerzan adlis (iv) tiwtilin d teskarin n tukci n yidli n tɣara i yixxamen n teẓrigt n udlis d tnedlisin d wayen akk ay ten-yerzan.

4- Yesla unabaḍ i n uneskin ay d-yessemned uneɣlaf n tnazent s yimedzi yernu d win yerzan sin n yisenfaren n tanaḍt taslekmant yerzan asiney n turgat n uzeddi d wammad n uẓeḍwu n teɣwalt taliktṛunant ireẓmen i ugdud s tegnut n GSM i teṛmist n « Lezzayer n Tliɣwalt Aziraz » (Algerie Telecom Mobile SPA) d teṛmist n "Optimum Télécom Algérie SPA".

5- Yesla unabaḍ i uneskin d-yessemned uneɣlaf n tnezzut yerzan tanaḍt taslekmant yessenfalen yernu tessmad tanaḍt taslekmant uṭṭun 97-53 n 12 Fuṛaṛ 1997 d-isebḍen tiskarin n umuzel n umiḍan n usisseɣ uzzig uṭṭun 302-041 s uzwel n « Idrimen n uɣram n tmeqraḍ n umesni ».

6- Anabaḍ yesla i yiwen n uneskin d-yessemned uneɣlaf n tnezduɣt ɣef temzelt n usemḍen n warraren n useqɛed amdinan.

Asemḍen n warraten n useqɛed amdinan (asireg n tmeṣkiwt, n ubeḍḍu n wakal, asedrem, iselkinen n useqɛed amdinan d tulut) yella-d deg ukatar n usifses n tsekkirin d umennuɣ mgal tbiruqraṭit akken ay t-id-yessefra uɣawas n unabaḍ.

 

 

Last modified on Akwas, 13 Mayu 2021 15:10
Timlilit n unabaḍ: Asekyed n 10 n yisenfaren n tanaḍin tislekmanin yerzan mennaw n yigzumen
  Yeffeɣ-d ass n : Akras, 12 Mayu 2021 09:10     Taggayt : LEZZAYER     Ɣran-t : 0 n tikkal   Bḍu