Menu principal

Menu principal

Ass Aɣelnaw n Tkatut: Inaw n Uselway n Tegduda

Yeffeɣ-d ass n : Asamas, 09 Mayu 2021 10:18   Ɣran-t : 0 n tikkal
Ass Aɣelnaw n Tkatut: Inaw n Uselway n Tegduda

SḌIF – Yeɣra-d uselway n tegduda, Mass Abdelmadjid Tebboune, i wass n usfugel n Wass Aɣelnaw n Tkatut i lmend n usfugel n umulli n Tdalusin n 8 Mayu 1945, d ta ay d tasuqqilt-nnes sɣur Tnegga n Yisalan n Lezzayer:

« S Yisem n Yuc Amallay, Amnahaɣ,

Taẓallit d talwit ɣef Waser,

A tiɣermanin,

A iɣermanen,

Nesfugul ass-a, s yiseɣ d userhu, Ass Aɣelnaw n Tkatut ayyes d-nesmektay Tidalusin n 8 Mayu 1945. Ta d tadyant taxatart deg umezruy n umennuɣ-nneɣ amangan mgal teẓrahrest, d amennuɣ aydeg derwen warraw n uɣref azzayri ay iqublen tilufa timeqqranin akk yellan i usiweḍ n tmurt ɣef tlelli d uzarug.

Ass n 8 Mayu 1945 d azemz axatar yernu d azamul n usfel d tukci n yiman i uɣlan, yernu yella-d d tadyant tamguccalt ay d-ikecfen tilawt n usehras yernu d ayen ay d-yeslulen tafrit deg medden akken ad d-swejden Tagrawla Tamangant.

Ass-a amezruyan yella-d d tadyant ay yeččuṛen ulawen d liman s waccil n usfel d umennuɣ yernu d tafat ay d-yesḍehren abrid i usderfi, tilelli d uzarug.

Deg Wass Aɣelnaw n Tkatut, ay yettwasneṣben aseggas yezrin d azamul n tekdit i tkatut n yiseflen ay fkan yimeɣrusen-nneɣ ibɣasen, nesfugul tiɣersawin-a n ugemmir d tlelli aydeg mmuten yimuyafen gar warraw d yessi-s n Lezzayer, dɣa s waya, ad neknu yernu ad nessiweḍ tamella i tkatut n tneffa-nsen tizedganin.

Izen uqdis ay d-ǧǧan yimeɣrusen-nneɣ, ay d-inejṛen abrid i tlelli s yidammen-nsen, d ayen ay aɣ-d-yessuturen ad nesdukkel idurra-nneɣ yernu ad nezzi akken ma nella ɣer yimal akken ad neǧǧ arraw n Lezzayer, am teqcicin am yeqcicen, ad ilin d taẓwert yennummden yernu d tadusi yeddukklen, am wakken ara ilin wejden akken iwata yernu umnen s tzemmar-nsen akken ad qablen icqirrwen.

D acu kan, iswi am wa ur nzemmer ad t-naweḍ war ma neṭṭef deg wazalen-nneɣ ihaggaṛen d wuktuyen-nneɣ yettwaḥerzen s umennuɣ n uɣref-nneɣ deg umezruy. Wi d imenzayen inafellaten, seg zik ay ẓẓan deg yiziɣren d tefriyin s wussisen ay iga uwanak deg wakk iswiren i uḥraz n tkatut taɣelnawt.

Deg ukatar n waya ay d-tella tenwit taneggarut n tmenḍawt ay iḥerzen Tasguri n 1u n Wamber 1954 yernu twekked-d azrak n yizamulen n Tegrawla n Uslelli d usmal n tirawt n umezruy aɣelnaw d uselmed-nnes i yilemẓiyen i lmend n uwekked n temlilt tasnuddsant n tkatut taɣelnawt deg unegmu n teẓraɣlant d tinɣaremt d usdusu n wassaɣen n umummi d yiseɣ s tmunag n uɣlan.

Tukci n wazal i tkatut d usiweḍ-nnes i tillumẓa n Lezzayer tamzarugt d nitni ay d taḍmant tamuyaft i usuffel n uɣlan d usdusu n wassaɣ-nnes ɣer uɣlan ijehden s tmunag n yizri-nnes yernu d win ay izemren ad iqabel d tilawin n tallit-nnes akken ad yesserbeḥ timeṣkiwt n Lezzayer tamaynut ay d-yessewjaden iman-nnes i tefranin tisentanin deg Yunyu ay d-yetteddun.

Tifranin-a d tid ara t-yeǧǧen ad yesdus akala n usiney aɣelnaw ayɣef nemmuqqen,  d asiney yebnan ɣef wazalen n wuẓẓul, laman, tiffrawent d umennuɣ mgal usgufsu akken yebɣu yili.

Lqanaɛa-nneɣ tejhed deg wayen yerzan timeɣsiwt n uɣref azzayri d tefrit-nnes tummidt deg tḍullit n usejhed n tersal n ufran amegday ilelli ay izemren ad yeẓẓu awanak n tsuda d usaḍuf yernu ad yebnu Lezzayer d tanayant yernu d tamdust, tin ay urgan yimeɣrusen d yimjahden.

A tiɣermanin,

A iɣermanen,

S usfugel ay nesfugul, ass-a, Ass Aɣelnaw n Tkatut, yessefk ad d-nwekked dakken afazi n wassaɣen d Tegduda Tafṛansit ur izemmer ad d-yili beṛṛa i umezruy d usekker n yikaramen n tkatut ayɣef ur d-yettili ara umader yernu yessefk ad frun yicanṭiyen-nnes ay mazal fuken, am temsalt n ukemmel n yiriri n yiqecruren n yimeɣrusen-nneɣ ibɣasen d ukaram n wuɛriqen, asuɣal n teṛcibin d uɣram i teɣtas n yiṭerḍiqen iɣwawanen deg Tniri tazzayrit.

Ma yella tamuɣli ɣer yimal yettbecciren s lxir d netta ay d tasarut i usejhed d tukci n wazal i wassaɣen gar yiɣlanen, imal-a yessefk daɣ ad yesɛu azadur ijehden, d win ihennan seg tɣawsiwin icemten n yizri.

S waya, Lezzayer tewjed ad tessuref i wakk unjugen, ad tekkes akk uguren i yimal d amuyaf ugar d usejhed n ublag d asurfan i uselhu n wassaɣen akken ad awḍen ɣer uswir d asnuddsan, maca ad d-yili waya s usdukkel n tegnatin iwatan d usekker n yikaramen yerzan takatut s timmaglit d umeyyez war ma tettekka, deg waya, cceḥna n teẓrahrest.

Sin-a n yiɣerfan ssuggumen asurif n tɣara ɣer yimal yelhan ugar, d win aydeg ara yili laman d umsegzu yernu d win ayseg ara d-sfaydin akken igerrez deg sin deg ukatar n umyezrak d tgadda tucrikt.

A tiɣermanin d yiɣermanen ɛzizen,

Allus n tmeṣkiwt n tkatut taɣelnawt d umesten-nnes mgal usedrem, asezleg d lexṣara d acqirrew ameqqran ay yessefken ad yettwaqabel, imi, nnig n yidis amussnan d wussnan ay yesɛa waya, allus-a n tmeṣkiwt yella-d daɣ d tiwelhiwin ara d-yefken tafat i ubrid-nneɣ ɣer yimal yelhan ugar i uɣlan d tferfant.

I lmend n waya, ɣseɣ ad rreɣ tajmilt i yiseɣ d tuṭṭfa n tillumẓa-nneɣ deg tmunag d tḍalusin n umezruy-nnes aɣelnaw, yernu ttettreɣ Akmeḍni akken ad yessemner yernu ad yalel arraw-nneɣ deg uṛmas n tukci n wazal i yiferdisen n tkatut taɣelnawt akken ad bdun abrid n tmeṣkiwt n yimal yeǧǧuǧǧgen.

Temɣer d tmanegt i yimeɣrusen-nneɣ ibɣasen,

Tudert i Lezzayer tilellit n yiseɣ. »

 

Last modified on Asamas, 09 Mayu 2021 15:13
Ass Aɣelnaw n Tkatut: Inaw n Uselway n Tegduda
  Yeffeɣ-d ass n : Asamas, 09 Mayu 2021 10:18     Taggayt : LEZZAYER     Ɣran-t : 0 n tikkal   Bḍu