Menu principal

Menu principal

Tisentanin n 2021: « Hofad Amana » d asebter i wid yeɣsen ad ttekkin deg usegrer n tefranin

Yeffeɣ-d ass n : Asimwas, 30 Yebrir 2021 11:21   Ɣran-t : 1 n tikkal
Tisentanin n 2021: « Hofad Amana » d asebter i wid yeɣsen ad ttekkin deg usegrer n tefranin

LEZZAYER TAMANEƔT – Yeɛreḍ-d, Udabu Aɣelnaw Amzarug n Tefranin, iɣermanen yeɣsen ad derwen deg usegrer n tefranin tisentanin n 12 Yunyu, akken ad ssiggzen deg useɣwen n « Hofad Amana » yellan deg usmel n Internet n udabu-a.

Wid ara yesqedcen aseɣwen n « Hofad Amana » ad ssiggzen iman-nsen akken ad derwen deg usegrer n tefranin tisentanin n 12 Yunyu ay d-yetteddun deg yiwet seg tnariyin neɣ ammasen n udɣar ara yettwareẓmen i lmend n tedyan-a. Iswi n usiggez-a s Internet d aḍman n tiffrawent deg temsalt n usuddes n tefranin-a.

Aɣerman ara yadfen ɣer usmel aliktṛunan n Udabu Aɣelnaw Amzarug n Tefranin yezmer ad yessiggez iman-nnes deg tɣerɣert n « Hofad Amana » s usidef n telɣa-nnes deg tuzunin ay d-yettwaheyyan i waya. Mi ara yettwaqbel, ad t-id-yaweḍ ungal udmawan ara t-yeǧǧen ad imahel d amsigg deg tnarit neɣ ammas n udɣar iqerben ɣer wanda ay yezdeɣ.

Tamzelt-a ad tfak ass n 7 Mayu ay d-yetteddun. Umuɣ n yimsiggen yettwafernen deg tmurt akken ma tella ad t-id-yesnuged Udabu Aɣelnaw Amzarug n Tefranin.

Deg tefranin tiselwayanin n 2019, Adabu Aɣelnaw Amzarug iheyya-d azadur n yisefka ay t-yeǧǧan ad d-iheyyi afaylu aɣelnaw aliktṛunan n tfekka tafranant.

 

Tisentanin n 2021: « Hofad Amana » d asebter i wid yeɣsen ad ttekkin deg usegrer n tefranin
  Yeffeɣ-d ass n : Asimwas, 30 Yebrir 2021 11:21     Taggayt : LEZZAYER     Ɣran-t : 1 n tikkal   Bḍu