Print this page

Iga Boukadoum yiwet n tirzi n umahil ɣer Libya

Yeffeɣ-d ass n : Aynas, 19 Yebrir 2021 14:21   Ɣran-t : 3 n tikkal
  • Bḍu
Iga Boukadoum yiwet n tirzi n umahil ɣer Libya

LEZZAYER  TAMANEƔT – Aneɣlaf n Yiweẓla iwerdaniyen, Sabri Boukadoum iga, ass n uynas (letniyen), s urafeq n uneɣlaf n ugensu, n Tenbazin tidiganin, Kamel Beldjoud, yiwet n tirzi n umahil ɣer Tmurt n Libya, deg ukatar n usmal n wassaɣen isindisanen akked tallelt n yiḥricen ilibiyen akken ad qablen icqirrwen n yimir-a, i d-yenna yiwen n ulɣu n uɣlif n Yiweẓla iwerdaniyen.

« Ad yeg uneɣlaf n Yiweẓla iwerdaniyen, ass-a, yiwet n tirzi n umahil ɣer Libya, s urafeq n uneɣlaf n ugensu, n Tenbazin tidiganin, Kamel Beldjoud, akked tmagliwin n uswir unnig », i neɣra deg ulɣu.

Mass Boukadoum trufeq-it yiwet n tmagla, mi ara yaweḍ, ad yeg mennaw n temliliyin akked yimasayen unnigen n udabu aslekman alibi deg usqamu aselwayan, n unabaḍ n tdukli taɣelnawt akked Usqamu Unnig n Uwanak akken ad skeyden assaɣen isindisanen seg wakk tiɣemmar akked yimal n ukala n ferru asertan n tezɣent talibit », ɣef wakken i d-yenna uɣbalu-nni.

Ters tirzi-a « deg ukatar n wussisen i d-yeḍran i usmal n wassaɣen gar snat n tmura, Lezzayer akked Libya, akked tikci n tallalt i yiḥricen ilibiyen akken ad qablen icqirrwen i yimir-a ladɣa aseddu n tferkit n wahil n tikli i uḍman n ferru tamelwit timegensit i tezɣent », aka i d-isegra ulɣu.

Iga Boukadoum yiwet n tirzi n umahil ɣer Libya
  Yeffeɣ-d ass n : Aynas, 19 Yebrir 2021 14:21     Taggayt : LEZZAYER     Ɣran-t : 3 n tikkal   Bḍu