Menu principal

Menu principal

Tettwaẓreg-d Tmenḍawt s tutlayt tamaziɣt

Yeffeɣ-d ass n : Asamas, 18 Yebrir 2021 14:45   Ɣran-t : 57 n tikkal
Tettwaẓreg-d Tmenḍawt s tutlayt tamaziɣt

LEZZAYER  TAMANEƔT – Asqamu Unnig n Timmuzɣa yeẓreg-d taḍrist tamaziɣt n Tmenḍawt tazzayrit yuran s sin n yisekkilen umrisen (Talatinit akked Tfinaɣ) ɣer yidis n uḍris anaṣli yuran s tutlayt taɛrabt.

Taḍrist tamaziɣt n Tmenḍawt tamaynut, iɣef deɣren s ubrid n tsefrant ass n 1 Wamber 2020, ters-d deg tazwara s tfinaɣ sakin s tlatinit, deg taggara s taɛrabt.

Ɣef wakken i d-yenna Usqamu, asuqel n uḍris seg taɛrabt ɣer tmaziɣ d tagrawt n usuqel n Usqamu ideg llan at ugerdas n master deg tutlayt akked yidles amaziɣ.

Taḍrist-a tamaziɣt n Tmenḍawt tessuqel-itt-id yiwet n tegrawt tasensegmant, i ssuddsen deg Tubiret ddaw tmehla akked usegrer n yiwet n tegrawt n yimsuqlen, isdawanen akked yimeskaren, gar-asen Mass Boukhenoufa Tahar, Zidane Yacine, Abdenebi Ramdane, Laceb Djamel, Chikhi Mokrane akked Aziri Boudjemaa.

Asqamu Unnig n Timmuzɣa isemyif tkli tucrikt n usegzi akked ucawer ilan iswi akadimi akked usensegman isenden ɣef tesniremt yellan d tawelha deg taɣult tazerfant.

Last modified on Aynas, 19 Yebrir 2021 09:14
Tettwaẓreg-d Tmenḍawt s tutlayt tamaziɣt
  Yeffeɣ-d ass n : Asamas, 18 Yebrir 2021 14:45     Taggayt : LEZZAYER     Ɣran-t : 57 n tikkal   Bḍu