Menu principal

Menu principal

Awanak yeɣs ad yesselhu tagnit n uɣerman anda yeɣs yili

Yeffeɣ-d ass n : Aynas, 12 Yebrir 2021 09:21   Ɣran-t : 183 n tikkal
Awanak yeɣs ad yesselhu tagnit n uɣerman anda yeɣs yili

TINDUF – Ussisen ay d-yellan deg ubaɣur n temnaḍin tuɣḍisin d wasunen n tili « sskanayen-d timeɣsiwt n uwanak akken ad yesselhu tagnit n yiɣermanen anda ɣsen ilin », ɣef wakken ay d-iwekked, ass n usamas deg Tinduf, yimkellef s tuɣdaḍt n tselwit n tegduda, Brahim Merad.

« Asnegmu adigan ur yerzi ara kan timnaḍin yettwassnen, maca iḥuza-d akk timnaḍin aydeg llan yiɣermanen s uḍfar n temyadast d tamiɣist ay yebdan tettakf-d abaɣur-nnes (…) deg wakud d awezzlan », ɣef wakken ay d-yenna Mass Merad i tɣemsa deg wass-nnes wis sin d uneggaru n terzi-nnes n umahil ɣef twilayt n Tinduf.

« Iseḍra-a qqnen srid ɣer ukatar n tmeddurt n uɣerman, gar-asen aman n tissit, asedwes, aẓeḍwu n wurrig, tatrist d usfaw anagdud, am wakken ay ttwabnant daɣ tsersiyin taddalanin d tsersiyin niḍen i yilemẓiyen », ɣef wakken ay d-yerna.

Yerna-d daɣ dakken « isenfaren ay d-yettwasseḍran deg ukatar n ubdad i temnaḍin tiwmazirin d wasunen uɣḍisen d wid ara d-yesɣenwen timras s urẓam n waṭas n yicanṭiyen, am wakken ara yedrew waya deg tdinamit n usnegmu i ubaɣur n temnaḍin-a d yimezdaɣen-nsent ».

Brahim Merad yellan, azal n 30 n yiseggasen aya, d awali n twilayt n Tinduf, yenna-d dakken « tawilayt-a talasant d tin aydeg d-yella unegmu d agermaw seg yimir-nni ɣer wass-a », am wakken ay d-yerna dakken mazal yella waṭas n lexṣaṣ d yikmaren deg useḍru n usnegmu deg twilayt-a, yernu ɣef waya ay yessefk ad ttwakksen akk wunjugen yerzan aya.

Awanak yeɣs ad yesselhu tagnit n uɣerman anda yeɣs yili
  Yeffeɣ-d ass n : Aynas, 12 Yebrir 2021 09:21     Taggayt : LEZZAYER     Ɣran-t : 183 n tikkal   Bḍu