Menu principal

Menu principal

Yemmuger uselway Tebboune kra n yigensasen n tmetti taɣarimt

Yeffeɣ-d ass n : Asimwas, 09 Yebrir 2021 14:43   Ɣran-t : 98 n tikkal
Yemmuger uselway Tebboune kra n yigensasen n tmetti taɣarimt

LEZZAYER TAMANEƔT – Yemmuger uselway n tegduda, Mass Abdelmadjid Tebboune, ass n ukwas deg tesɣimt n tselwit n tegduda, deg ukatar n umciweṛ d yigensasen n tmetti taɣarimt, 6 n tiddukliwin tiɣelnawin ay yesteṛḥben s udhal n uselway i tiddukliwin i lmend n usdusu tesmilt-nsent deg tmeṣkiwt n Lezzayer tamaynut.

Deg yiwet n tesguri i tɣemsa deffir umyager d uselway n tegduda, yenna-d uselway n Tiddukla Tazzayrit n Umesten d Waɣad n Yimsuder d Twennaḍt-nnes, Mass Mustapha Zebdi, ay d-iwekkden dakken amyager-a d uselway n tegduda « d win aydeg d-yella wawal d uẓẓil, d afrawan yernu d adeɣri », am wakken ay d-yerna dakken aselway Tebboune « yedhel timetti taɣarimt yernu yettakf azal d ameqqran aṭas i taggayt-a ».

Ma d Mahfoud Harzelli, aselway n Tiddukla Taɣelnawt n Umesten n Yimsuder, yenna-d dakken amyager-nnes d uselway Tebboune d « win d-yewwin abaɣur », am wakken ay d-yerna dakken aselway n tegduda yesɛa « ṛṛuḥ n udhal n tmetti taɣarimt ».

Seg yidis-nnes, amenzaḍ amatu n Yiskutiyen Inselmen Izzayriyen, Abderrahmane Hamzaoui, yenna-d dakken amyager-nnes d uselway n tegduda d win ay t-yeǧǧan ad d-yawi yid-s awal ɣef umussu adukklan d temlilt-nnes deg uselɣi n tmeddurt tanagdudt.  

Seg tama-nnes, yessenfali-d uselway n Tiddukla Tazzayrit n Usegmek n Iqraa, Hocine Khellid, asnemmer-nnes i uselway Tebboune imi ay yefka tazalɣi n umyersi n teklalit n « ɛacir » i tmeṛḥumt Aicha Barki, taselwayt taqburt n Tiddukla n « Iqraa » yernu yefka-as aẓayer n tiddukla n nnfeɛ anagdud i tiddukla-a.

 

Last modified on Asiḍyas, 10 Yebrir 2021 15:32
Yemmuger uselway Tebboune kra n yigensasen n tmetti taɣarimt
  Yeffeɣ-d ass n : Asimwas, 09 Yebrir 2021 14:43     Taggayt : LEZZAYER     Ɣran-t : 98 n tikkal   Bḍu