Menu principal

Menu principal

Tisentanin « ad ilint d tizedganin », « tfuk » tallit n tuna

Yeffeɣ-d ass n : Aynas, 05 Yebrir 2021 10:08   Ɣran-t : 114 n tikkal
Tisentanin « ad ilint d tizedganin », « tfuk » tallit n tuna

LEZZAYER TAMANEƔT – Tifranin tisentanin n 12 Yunyu ay d-yetteddun yessefk ad ilint d « tizedganin » yernu d « tifrawanin », ɣef wakken ay d-iwekked, ass n usamas, uselway n tegduda, Mass Abdelmadjid Tebboune, ay d-yernan dakken tallit n tuna « tfuk ».

« Anect yebɣu yili uktamur n udraw deg tefranin, necreḍ-d ad ilint d tizedganin, d tifrawanin yernu ad d-ssefrurint win ay yuklalen laman n uɣref », ɣef wakken ay d-yenna uselway Tebboune deg  umyager-nnes awalan d yimasayen n yimidyaten iɣelnawen.  

« Nessaram dakken aɣref azzayri ad yaki dakken aql-aɣ nbennu Lezzayer tamaynut yellan d tirselt n yifranen n uɣref-a », ɣef wakken ay d-iwekked, am wakken ay d-yerna dakken yessaram ad yili uktamur n udraw « meqqer » yernu ad yaweḍ ɣer 40 neɣ 50% am yiktamuren d-yettilin deg tmura niḍen n umaḍal.

Deg tririt-nnes ɣef tuggdi n kra n yidisan deg wayen yerzan asihaṛ-a afranan, iwekked-d uselway n tegduda dakken wid akk ara yettekkin ad ilin kifkif-iten yernu tfuk « tallit n tuna ».

Deg wayen yerzan asewjed i tefranin, ladɣa deg wayen yerzan ajbad n yisetturen, yenna-d uselway dakken amḍan n wid ay yeɣsen ad d-ssersen iman-nsen ɣer tefranin yessebɣas yernu « yekka i wayen nella nessaram ».

 

Last modified on Asinas, 06 Yebrir 2021 09:32
Tisentanin « ad ilint d tizedganin », « tfuk » tallit n tuna
  Yeffeɣ-d ass n : Aynas, 05 Yebrir 2021 10:08     Taggayt : LEZZAYER     Ɣran-t : 114 n tikkal   Bḍu