Menu principal

Menu principal

Aseqqamu n yineɣlafen yessawel ɣef tsentanin, asewjed i Remḍan d ufṣad mgal Covid-19

Yeffeɣ-d ass n : Aynas, 05 Yebrir 2021 08:58   Ɣran-t : 2 n tikkal
Aseqqamu n yineɣlafen yessawel ɣef tsentanin, asewjed i Remḍan d ufṣad mgal Covid-19

LEZZAYER TAMANEƔT – Aseqqamu n yineɣlafen ay d-yellan ass n usamas ddaw tselwit n uselway n tegduda, Mass Abdelmadjid Tebboune, yewwi-d awal ɣef tefranin tisentanin, akaten ara yettwaddmen i lmend n wayyur uqdis n Remḍan d ufṣad mgal waḍḍan n Covid-19.

Iga-d uneɣlaf n ugensu yiwen n uneskin ɣef yisurifen ay d-yellan deg usewjed n tsentanin, yernu mi t-ifuk, yessenfali-d uselway n tegduda adwat-nnes ladɣa deg wayen yerzan asifses n usiggez n yimazwaren ɣer tefranin-a, d acu kan, iwekked-d daɣ dakken yessefk ad ikemmel usemyuddes d Udabu Aɣelnaw Amzarug n Tefranin akken ad teg tuɣdaḍin-nnes akken iwata.

Aneɣlaf n tnezzut iga-d aneskin ɣef wakaten ay yettwaddmen i uḍman n tillit n yifarisen n usuder awessɛan deg wayyur n Remḍan akken ur tturaren ara kra n yimsenza s watigen, am wakken ay d-yessumer ad fken asireg i yisenzayen imtedda deg wayyur n Remḍan akken ur ttfaraṣen ara kra n yimsenza ad ssaɣlin ifarisen.

Ma d aneɣlaf n tdawsa iga-d aneskin ɣef uḍfar amakki n temzal n ufṣad d waddad wuɣur tessaweḍ tmesɣiwt n tgezzayin. Iwekked-d dakken swejden-d tijellabin tidrimanin i uselkem n yinmeqqan n uwanak.

 

Aseqqamu n yineɣlafen yessawel ɣef tsentanin, asewjed i Remḍan d ufṣad mgal Covid-19
  Yeffeɣ-d ass n : Aynas, 05 Yebrir 2021 08:58     Taggayt : LEZZAYER     Ɣran-t : 2 n tikkal   Bḍu