Print this page

Tifranin n 12 Yunyu : ad tebdu twala tafranant ass 17 Mayu

Yeffeɣ-d ass n : Asinas, 30 Meɣres 2021 01:18   Ɣran-t : 1 n tikkal
  • Bḍu
Tifranin n 12 Yunyu : ad tebdu twala tafranant ass 17 Mayu

LEZZAYER  TAMANEƔT - Azal n 24.392.438 n yideɣɣaren ara iruḥen ad deɣren deg 58 n yigezda n tmurt akked berra n tmurt ass n 12 Yunyu akken ad fernen inesɣuma n Ugraw aɣerfan aɣelnaw, ad tebdu twala tafranant seg wass n 17 Mayu ad tekfu ass n 8 Yunyu, ɣef wakken i d-yedda deg teswast i d-yessufeɣ Udabu aɣelnaw imzireg n tefranin.

Seg i d-yeɣra i tfekka tafranant Uselway n Tegduda, Abdelmadjid Tebboune, ass n 11 Meɣres yezrin, akken ad tili tefrant n yinesɣuma n Ugraw aɣerfan aɣelnaw, yeldi ucegger asurfan n wumuɣen ifrananen ass n 16 Meɣres ar wass 23 seg wayyur-nni.

Akka, imazwaren deg tefrant-a yessefk ad sersen ikaramen-nsen n uttekki deg tefranin n Ugraw ɣerfan aɣelnaw ara d-yeḍrun ass n 12 Yunyu i d-iteddun send ad yaweḍ wass n 12 yebrir.

D amenḍar  n 22 n wussan ara yilin seg wass n 13 yebrir ar 14 Mayu, i wakken ad ad taznem acetki yerzan timmezwert akked wallus-is send ad yaweḍ wass n 18 Mayu, ɣef wakken i d-tenna teswast n Udabu aɣelnaw imzireg n tefranin.

Tifranin n 12 Yunyu : ad tebdu twala tafranant ass 17 Mayu
  Yeffeɣ-d ass n : Asinas, 30 Meɣres 2021 01:18     Taggayt : LEZZAYER     Ɣran-t : 1 n tikkal   Bḍu