Menu principal

Menu principal

Tiddit tasnuddsant n uɣlif n umzaɣ aɣelnaw tebna ɣef unagraw n uḥezzeb

Yeffeɣ-d ass n : Asamas, 28 Meɣres 2021 13:52   Ɣran-t : 0 n tikkal
Tiddit tasnuddsant n uɣlif n umzaɣ aɣelnaw tebna ɣef unagraw n uḥezzeb

LEZZAYER TAMANEƔT – Tiddit tasnuddsant n uɣlif n umzaɣ aɣelnaw deg usefrek n tmijwin d twuɣa tixatarin tebna ɣef unagraw n uḥezzeb n tmijwin, ɣef wakken ay d-tenna, ass n usiḍyas deg Lezzayer, Tjiniṛalt Samia Rezig.

Deg yiwet n tgermant s uzwel n « Tiddit Tasnuddsant n Uɣlif n Umzaɣ Aɣelnaw deg Usefrek n Tmijwin d Twuɣa Tixatarin » ay d-yellan deg ukatar n usarag aɣelnaw ɣef tesnuddest taɣelnawt, tenna-d Tjiniṛalt Rezig Samia dakken « tiddit ay yeḍfer Uɣlif n Umzaɣ Aɣelnaw tebna ɣef unagraw n uḥezzeb mgal tmijwin-a d usefrek n twuɣa ».

Terna-d daɣ dakken aɣlif yettekkay « s tmellilt » deg yisenfaren n uḥezzeb am temhal n umennuɣ mgal ujṛad, tiḥemliwin n ulseklu d wallus n uciri n wuggug azegzaw, amesten n wafay d usebɣer n yiḍrisen izerfanen.

Ɣef leḥsab n Massa Rezzig, asefrek n twuɣa d « idis axatar » n tesnuddest n uɣlif n umzaɣ aɣelnaw am wakken ay d-yerna dakken aɣlif yettekkay s tmellilt deg temhal n usefrek n twuɣa deg ukatar n wakaten izerfanen, islaganen, imehlanen d yitwilanen.

Deg wayen yerzan akaten izerfanen, tesmekti-d tmasayt-a s umagad 57 n udaḍuf 04-20 n 25 Dujembeṛ 2004, ay d-yennan dakken Taredsa Taɣelnawt Taɣerfant ad d-tger iman-nnes deg temhal n usukkes mer ad d-ilint twuɣa tigamanin deg ukatar n yilugan d-yettwasebḍen deg usaḍuf 91-23 n 6 Dujembeṛ 1991 yerzan adraw n Tredsa Taɣelnawt Taɣerfant deg tuɣdaḍin n uḥraz n umyersi anagdud deg tegnatin n tsureft ».

 

Tiddit tasnuddsant n uɣlif n umzaɣ aɣelnaw tebna ɣef unagraw n uḥezzeb
  Yeffeɣ-d ass n : Asamas, 28 Meɣres 2021 13:52     Taggayt : LEZZAYER     Ɣran-t : 0 n tikkal   Bḍu