Menu principal

Menu principal

Yermes Uselway Tebboune iɣellaten n sin n yikabaren n tsertit akked Umara amatu n UGTA

Yeffeɣ-d ass n : Asimwas, 26 Meɣres 2021 00:07   Ɣran-t : 2 n tikkal
Yermes Uselway Tebboune iɣellaten n sin n yikabaren n tsertit akked Umara amatu n UGTA

LEZZAYER  TAMANEƔT - Aselway n Tegduda, Mass Abdelmadjid Tebboune yermes, ass n ukuẓas (lexmis), imasayen n Ugraw i ukala amaynu akked Tdukli n tdusiwin timagdayin akked tenmettiyin akked Umaray amatu n Ulemmas anmalan, aya deg ukatar n umciwer i la yettegg akked yiɣellaten  n yikabaren n tsertit akked yigensasen n tmetti taɣarimt, i d-yenna yiwen n ulɣu n Tselwit n Tegduda.

« Aselway n Tegduda, Mass Abdelmadjid Tebboune yermes, ass n ukuẓas (lexmis) deg tesɣimt n Tselwit n Tegduda, Mass Moundir Bouden, amasayen n Ugraw i ukala amaynu tedda-d yid-s tmagla deg-s Meriem Belkacemi, Abdelwahab Beldjelloul, Saci Hachem, Issam Bahri akked Manar Fetni », i d-neɣra deg ulɣu.

« Yermes daɣen UselwayTebboune, Mass Noureddine Bahbouh, aselway n Tdukli n tdusiwin timagdayin akked tenmettiyin akked Mass Salim Labatcha, Amaray Amatu n Yimehhalen Izzayriyen (UGTA) », i yerna yenna-d uɣbalu-nni.

Timliliyin-a rsen-t « deg ukatar n umciwer i la yettegg uselway n Tegduda akked yimasayen n yikabaren n tsertit akked yigensasen n tmetti taɣarimt », i d-segra ulɣu.

Yermes Uselway Tebboune iɣellaten n sin n yikabaren n tsertit akked Umara amatu n UGTA
  Yeffeɣ-d ass n : Asimwas, 26 Meɣres 2021 00:07     Taggayt : LEZZAYER     Ɣran-t : 2 n tikkal   Bḍu