Menu principal

Menu principal

Tazlazt n Bgayet: Adram amuran n 3 n waṣuken iqburen

Yeffeɣ-d ass n : Akwas, 18 Meɣres 2021 13:23   Ɣran-t : 3 n tikkal
Tazlazt n Bgayet: Adram amuran n 3 n waṣuken iqburen

LEZZAYER TAMANEƔT – Tazlazt ay d-iwten ass n ukwas tanezzayt deg Bgayet, d tin aydeg d-yella uxeṣṣar angan aydeg dermen 3 n yixxamen iqburen, d acu kan, ulac wid yemmuten, ɣef wakken ay d-yenna yiwen n ulɣu n Tmehla Tamatut n Umesten Aɣarim.

« Deffir tezlazt n 5,9 n tfesniwin deg teskala n Richter ay d-iwten ɣef 1:40 n tnezzayt 28 n yikilumitren deg ugafa-agmuḍan n Yiɣef n Carbon (Bgayet), sdegrent tyunin n umesten aɣarim tiɣlamin d tmenḍayin i lmend n uktazel n tegnit s umata d uhedden n yiɣermanen », ɣef wakken ay d-yenna ulɣu-a.

Imeẓla n Umesten Aɣarim « ur d-klisen ara kra n lexṣara deg tmeddurin, am wakken ur d-klisen ara ixeṣṣaren inganen d imeqqranen », ɣef wakken ay d-iwekked uɣbalu-a ay d-yernan dakken amesten aɣarim yessebges-d 17 n teɣlamin n udhal d tgermant.

D acu kan, imezdaɣen n twilayt n Bgayet xelɛen yernu ffɣen-d seg yixxamen-nsen, am wakken ay llan kra n yixxamen aydeg wten yiɣisan, ɣef wakken ay d-yenna umesten aɣarim, ay d-yernan dakken 4 n yimdanen ay yugsen yernu wwin-ten ɣer usegnaf n Bgayet.

Yella-d udram amuran n 3 n yixxamen iqburen ur yettwazedɣen ara deg Ḥeyy Ssɣir (deg tɣiwant n Bgayet), am wakken ay yedrem daɣ uḥric n yiwen n yilemci n uxxam niḍen, ɣef wakken ay d-yenna uɣbalu-a.

Deg Ǧiǧel, 5 n yimdanen ay yugsen, ma d yiwet n tmeṭṭut yesɛan adad n yidammen yeffeɣ-itt leɛqel. Ad d-nger tamawt dakken tazlazt-a ḥulfan-as deg 12 n twilayin niḍen yernu ti d Skikda, Ǧiǧel, Tizi Uzzu, Lbuṛj Buɛṛiṛiǧ, Sḍif, Mila, Tubiret, Bumerdas, Lezzayer Tamaneɣt d Tipaza.

 

 

Tazlazt n Bgayet: Adram amuran n 3 n waṣuken iqburen
  Yeffeɣ-d ass n : Akwas, 18 Meɣres 2021 13:23     Taggayt : LEZZAYER     Ɣran-t : 3 n tikkal   Bḍu