Menu principal

Menu principal

Tukksa n teɣlent i Yizzayriyen ay igan tiɣawsiwin d timaglayin ara iḍurren tanafut n uwanak

Yeffeɣ-d ass n : Lexmis, 04 Meɣres 2021 14:27   Ɣran-t : 45 n tikkal
Tukksa n teɣlent i Yizzayriyen ay igan tiɣawsiwin d timaglayin ara iḍurren tanafut n uwanak

LEZZAYER TAMANEƔT – Ɣef leḥsab n yiwen n udatsenfar n usaḍuf ay d-yessemned uneɣlaf n teɣdemt, ass n ukras, deg temlilit n unabaḍ ay yesselwi uneɣlaf amenzu, Abdelaziz Djerad, ad tettwakkes teɣlent tazzayrit, ama d tin ay d-yettwakesben neɣ d tinizert, i s kra n Uzzayri ara igen igiten imaglayen yettwaɛemmden ara iḍurren tanafut n uwanak neɣ wid ara iḍurren tadukli taɣelnawt neɣ daɣ win ara yettekkin deg tuddsa taremmaɣt.

« Yessefled unabaḍ i yiwen n uneskin ay d-yessemned uneɣlaf n teɣdemt, amḍif n yimessiten, i udatsenfar n usaḍuf yessenfalen yernu yessmad tasunḍa 70-86 n 15 Dujembeṛ 1970 yerzan angal n teɣlent tazzayrit », ɣef wakken ay d-yenna ulɣu n yimeẓla n uneɣlaf amenzu, ay d-yernan dakken « aḍris-a yessefray ad d-izeddi tasekkirt n tukksa n teɣlent tazzayrit d-yettwakesben neɣ tinizert yernu ad yettwasnes ɣef yal Azzayri ara igen, beṛṛa i ugelluy aɣelnaw, igiten imaglayen yettwaɛemmden ara iḍurren tinufa n uwanak neɣ ad tḥazen tadukli taɣelnawt ».

Akat-a ad yettwasnes daɣ ɣef « win yellan d urmid neɣ lteɣ deg tuddsa taremmaɣt d win yessidrimen neɣ imezzɣen tuddsiwin-a », ɣef wakken ay d-yerna uɣbalu-a.

Ametwi-a yerza daɣ « yal amdan ara yemyallen d kra n uwanak acengu », ɣef wakken ay d-yenna ulɣu-a ay d-yernan dakken « akaten-a ttɣimin-d mtawan d temyaqqanin tigraɣlanin deg wayen yerzan tamsalt-a d uḍman n uzref n terfust ».

 

Tukksa n teɣlent i Yizzayriyen ay igan tiɣawsiwin d timaglayin ara iḍurren tanafut n uwanak
  Yeffeɣ-d ass n : Lexmis, 04 Meɣres 2021 14:27     Taggayt : LEZZAYER     Ɣran-t : 45 n tikkal   Bḍu