Menu principal

Menu principal

Amgaru n uslelli : yesṭeɛref Macron dakken Ali Boumendjel « tɛetteb-it sakin tenɣa-t » tredsa tamhersant

Yeffeɣ-d ass n : Laṛebɛa, 03 Meɣres 2021 23:31   Ɣran-t : 109 n tikkal
Amgaru n uslelli : yesṭeɛref Macron dakken Ali Boumendjel « tɛetteb-it sakin tenɣa-t » tredsa tamhersant

PARIS - Aselway afransi, Emmanuel Macron, yesṭeɛref « s yisem n Fransa » dakken abugaṭu anemhal asertan n teẓraɣlant tazzayrit, Ali Boumendjel dakken « tɛetteb-it sakin tenɣa-t » tredsa tamhersant deg umgaru n uslelli aɣelnaw, i d-icar ass n usinas (ttlata) tameddit uselway afransi.

« Ass-a, aselway n Tegduda yermes deg leqṣer n Elysée kuẓ n warraw n warraw n Ali Boumendjel i wakken ad asen-yini, s yisem n Fransa, ayen i tessarem ad tsel Malika Boumendjel (taǧǧalt) : Ali Boumendjel ur yenɣi ara iman-is. Yettwaɛetteb sakin yettwanɣa », i d-yenna Elysée deg yiwen n ulɣu.

Asṭeɛref n Fransa s tmenɣiwt n Ali Boumendjel tusa-d seg d-iweṣṣa fell-as Benjamin Stora deg uneqqis-is ɣef tkatut n temhersa akked umgaru n uslelli aɣelnaw.

Ɣef wakken i d-yenna Elysée, « tigawt-a n usṭeɛref (…) ur yelli ara d igi yettwaɛezlen ».

Aselway afransi yenna i warraw n warraw n Ali Boumendjel « lebɣi-s akken ad ikemmel amahil yebdan mennaw n yiseggasen aya akken ad nessegrew tinagayin akked usebɣes n umahil n yinmezruyen s ulday n tirsin (…) ».

« Amahil-a ad yiɣzif yerna ad yettwaselqey deg wayyuren i d-iteddun, akken ad nezmer ad naẓ ɣer sdat ɣer udkat akked umsuɣal », i d-yewɛed.

Last modified on Ljemɛa, 05 Meɣres 2021 14:16
Amgaru n uslelli : yesṭeɛref Macron dakken Ali Boumendjel « tɛetteb-it sakin tenɣa-t » tredsa tamhersant
  Yeffeɣ-d ass n : Laṛebɛa, 03 Meɣres 2021 23:31     Taggayt : LEZZAYER     Ɣran-t : 109 n tikkal   Bḍu