Menu principal

Menu principal

Tebboune: Yezmer lḥal ad ttwassuddsent tefranin tisentanin d tdiganin deg yiwen n wass

Yeffeɣ-d ass n : Ttlata, 02 Meɣres 2021 12:22   Ɣran-t : 74 n tikkal
Tebboune: Yezmer lḥal ad ttwassuddsent tefranin tisentanin d tdiganin deg yiwen n wass

LEZZAYER TAMANEƔT – Yenna-d uselway n tegduda, Abdelmadjid Tebboune, dakken yezmer lḥal ad ttwassuddsent tefranin tisentanin d tdiganin deg yiwen n uzemz, am wakken ay d-yerna dakken aya d « tanegmit tuzrift » n wamun asertan.

« Yezmer lḥal ad ttwassuddsent tefranin tisentanin d tdiganin deg yiwen n wass. Aya yettgensis-d tanegmit d tuzrift sɣur wamun asertan », ɣef wakken ay d-iwekked uselway n tegduda deg yiwet n tdiwennit ay iga, ass n uynas tameddit, d yimasayen n yimidyaten iɣelnawen.

Yerna-d daɣ dakken « tifranin tisentanin frurint-d seg yiwen n wahil asertan d afraray. I lmend n waya, neddem akaten i lmend n usifses yernu nefka-d tiḍmanin i yilemẓiyen akken ad derwen deg usihaṛ-a », am wakken ay d-iwekked dakken asaḍuf afranan yettwasenwin d win ara « ireẓmen abrid i uflali n tissugriwin d umennuɣ, daɣ, mgal yidrimen ummisen ay mazal ggten deg tmetti-nneɣ ».

Dima deg temsalt-a, yenna-d dakken asuddes n tefranin tisentanin yella-d d yiwen seg yinmeqqan-nnes deg wahil-nnes afranan aydeg llant 54 n tenqiḍin, yernu d awezɣi « ad yettwassebded unfal, acku iɣerfan tteddun ɣer sdat, timettiyin nefflent ».

Aɣella n uwanak iwekked-d, deg temsalt-a, dakken yessefk ad neflent lɛeqliyyat akken « ad nezmer ad neṣk timetti d tamaynut d Lezzayer tamaynut ».

Iwekked-d dakken tifranin ay d-yetteddun « ur ttemcabint deg wacemma ɣer tid yezrin », am wakken ay d-yerna dakken aktamur n udraw « ur iseɛɛu ara tusurt ɣef yigmaḍ n tefranin-a imi tifranin am ti ur ttekkayen ara deg-sent waṭas n medden ula deg tmura niḍen n umaḍal ».

 

Tebboune: Yezmer lḥal ad ttwassuddsent tefranin tisentanin d tdiganin deg yiwen n wass
  Yeffeɣ-d ass n : Ttlata, 02 Meɣres 2021 12:22     Taggayt : LEZZAYER     Ɣran-t : 74 n tikkal   Bḍu