Menu principal

Menu principal

Tebboune : Abeddel alqayan n Unabaḍ ad yas deffir n tefranin n Ugraw aɣerfan

Yeffeɣ-d ass n : Ttlata, 02 Meɣres 2021 08:37   Ɣran-t : 73 n tikkal
Tebboune : Abeddel alqayan n Unabaḍ ad yas deffir n tefranin n Ugraw aɣerfan

LEZZAYER  TAMANEƔT - Aselway n Tegduda, Abdelmadjid Tebboune, yenna-d ass n uynas (letniyen) dakken abeddel alqayan n Unabaḍ ad yas deffir n tefranin n Ugraw aɣerfan aɣelnaw.

« Ur bɣiɣ ara ad geɣ abeddel aɣrud n Unabaḍ s tin n leqder i uɣref. Aql-aɣ ɣef umnaṛ n tefranin ara nessuddes deg sin neɣ kraḍ n wayyuren i d-iteddun », i d-yenna Uselway Tebboune deg temlilit akked yimasayen n yimidyaten iɣelnawen i d-yettwamsaken ass n uynas (letniyen.

Abeddel n unabaḍ ad yas dindin deffir n tefranin « akken ara d-yeffeɣ ugmuḍ n tefranin-a », i yerna yenna-d.

Mi d-yebder abeddel aɣlifan uzgin, yesmektid uselway n Tegduda dakken isers deg nnican kra n yigzumen, amedya n Teẓwert akked Temguri, igzumen-a, i d-yenna, ur d-fkin ara agmuḍ deg unnar, ladɣa deg wayen yerzan tameddurt tayalast n yiɣermanen.

Yemmeslay-d ɣef kra n yidis yelhan akked wid n dir deg wayen yerzan tigawt n Unabaḍ, Aselway Tebboune yebder-d semmus neɣ sḍis n yineɣlafen iɣef « uran ddegs n yimdanen, ladɣa imeẓla yerzan tuzzma-nsen ».

Iɛeggalen n Unabaḍ amezwaru ttwafranen-d « d tiririt i yisutren n umussu aɣerfan Lḥirak yettwabarken n tidet i la d-yeɣɣaren akken ad yili ubeddel asudan », i d-yenna uɣella n Uwanak.

Yenna-d ɣef tneqqiḍt-a, « ɛerḍeɣ ad serseɣ iqerra imuyna, rriɣ-d ɣef unmeqqen i d-fkiɣ s usersi n yilemẓiyen d ineɣlafen akked semmus n yineɣlafen i d-yekkan seg umussu aɣerfan n Lḥirak, amahil n kra yebda la d-yettak igumma deg wannar ».

Tebboune : Abeddel alqayan n Unabaḍ ad yas deffir n tefranin n Ugraw aɣerfan
  Yeffeɣ-d ass n : Ttlata, 02 Meɣres 2021 08:37     Taggayt : LEZZAYER     Ɣran-t : 73 n tikkal   Bḍu