Menu principal

Menu principal

Yeɣra-d Ghali seg Lezzayer tamaneɣt akken ad tili tgermant n tuddsiwin n yizerfan n Umdan i umesten n Yiwniriyen

Yeffeɣ-d ass n : Lexmis, 25 Fuṛaṛ 2021 23:06   Ɣran-t : 85 n tikkal
Yeɣra-d Ghali seg Lezzayer tamaneɣt akken ad tili tgermant n tuddsiwin n yizerfan n Umdan i umesten n Yiwniriyen

LEZZAYER  TAMANEƔT - Aselway awniri, Brahim Ghali yeɣra-d, ass n ukwas (lexmis), i tuddsiwin tigraɣlanin n uḥuddu n yizerfan n Umdan akken ad grent iman-nsent deg umesten n yiɣermanen iwniriyen ur nesɛi ara win ara ten iḥudden seg tekriḍt n tdusiwin n umhersan amerruki, yerna yessummel tita yettwet uɣref awniri.

Deg yiwet n tseɣrut i tɣamsa deg taggara n temlilit iga akked uselway n Tegduda, Abdelmadjid Tebboune, aselway awniri yessummel takriḍt i gant tdusiwin n umhersan amerruki mgal n uɣref awniri ur nesɛi ara amḥaddi, yenna-d dakken « ad nessummel aya yerna ad nɣer i tuddsiwin tigraɣlanin n uḥuddu n yizerfan n Umdan akken ad kecmen s akal i yettwaṭṭfen i umesten n yiɣermanen iwniriyen ur nesɛi amḥaddi ».

Mass Ghali yenna-d dakken yemmeslay akked Uselway Tebboune ɣef « liḥala yellan deg temnaḍt, deg tefriqt akked yidis agraɣlan, ladɣa seg d-teḍra tekriḍt tamarrukit i gan, rekḍen amtawa n uḥbas n tita n ukarṭuc, yettwastenyan gar Tirni n Polisario akked Tgelda tamerrukit ddaw leɛnaya n Tuddsa n Yiɣlanen Yedduklen i usuddes n yiwet n tsefrant n uguccelman n uɣref awniri ».

Yezzireg-d dakken « aɣref awniri yettwaḥettem, seg yettwet, ad yuɣal ɣer umennuɣ umrig akken ad yawi azref-is n tlelli, azarug-is akked uguccelman », Aselway Ghali yenna-d dakken aɣref awniri yefka « ddeqs n ukud i umɣiwan agraɣlan, azal n 30 n yiseggasen aya, akked ad sseddun aɣawas n yilugan i usuddes n yiwet n tsefrant ɣef uguccelman ».

Yeɣra-d Ghali seg Lezzayer tamaneɣt akken ad tili tgermant n tuddsiwin n yizerfan n Umdan i umesten n Yiwniriyen
  Yeffeɣ-d ass n : Lexmis, 25 Fuṛaṛ 2021 23:06     Taggayt : LEZZAYER     Ɣran-t : 85 n tikkal   Bḍu