Menu principal

Menu principal

D ayen iḥaren uqabel n tinnɣi deg Internet s ufares n ugbur aɣelnaw n tɣara

Yeffeɣ-d ass n : Ttlata, 23 Fuṛaṛ 2021 22:16   Ɣran-t : 80 n tikkal
D ayen iḥaren uqabel n tinnɣi deg Internet s ufares n ugbur aɣelnaw n tɣara

LEZZAYER  TAMANEƔT - Aneɣlaf n Teɣwalt, amutlay n unabaḍ, Ammar Belhimer, yezzireg-d ass n usinas (ttlata) dakken d ayen « iḥaren » aqabel n tinnɣi deg Internet s usiti ɣef uḍman n tnaya deg Internet yersen ɣef uzadur n ufares n ugbur aɣelnaw n « tɣara » deg yismilen iliktrunanen akked tɣerɣar tisdawanin.

« « Acku 70% n yizzayriyen dellun ɣef tɣamsa taliktrunant, aql-aɣ deg liḥala iḥaren yessefk ad nqabel tinnɣi deg Internet, s usiti ɣef uḍman n tnaya deg Internet, yersen ɣef uzadur n ufares n ugbur aɣelnaw n tɣara akked tɣerɣar tisdawanin, asɣelles n yiẓeḍwa akken ad neḍmen tanaya n Uwanak », i d-yenna Mass Belhimer deg yiwet n tdiwennit i yefka i uyalas aɣelnaw Cresus.

Deg tnila-a, iḥettem-d uneɣlaf asezdeɣ deg taɣult.dz n yismilen iliktrunanen i terza tanaḍt taslekmant i d-yemmeslayen ɣef wamek ara yeddu urmud n telɣut deg Internet akked umsaka n tririt neɣ aseɣti deg usmil aliktrunan.

Ɣur Mass Belhimer, asɣelles n tɣerɣar web akked yismilen ilioktrunanen d « asrus agejdan », yebder-d, almend n waya, asekyed n yismilen wab n tsuda iga Wannay n tegrawt tazzayrit n yisegbaren n usemḍen.

Last modified on Laṛebɛa, 24 Fuṛaṛ 2021 14:55
D ayen iḥaren uqabel n tinnɣi deg Internet s ufares n ugbur aɣelnaw n tɣara
  Yeffeɣ-d ass n : Ttlata, 23 Fuṛaṛ 2021 22:16     Taggayt : LEZZAYER     Ɣran-t : 80 n tikkal   Bḍu