Menu principal

Menu principal

Ass aɣelnaw n tegmat akked temyamaẓt, d abrir i uneɛruḍ n usɣisi n useɣwen yellan gar Uɣref akked Tredsa

Yeffeɣ-d ass n : Aynas, 22 Fuṛaṛ 2021 22:01   Ɣran-t : 0 n tikkal
Ass aɣelnaw n tegmat akked temyamaẓt, d abrir i uneɛruḍ n usɣisi n useɣwen yellan gar Uɣref akked Tredsa

LEZZAYER  TAMANEƔT - Aneɣlaf n Teɣwalt, amutlay n Unabaḍ, Ammar Belhimer, yenna-d ass n uynas (letniyen), aɣtas n tririt n 22 furar d Ass aɣelnaw n tegmat akked temyamaẓt Aɣref-Taredsa, i yeddem Uselway n Tegduda, Abdelmadjid Tebboune, « yefka anamek i yizalen n temsetlelt, n tdukli, n tegmat akked temyamaẓt gar uɣref akked Tredsa-s », yerna yenna-d dakken tamyamaẓt-a « tekkes, mi yella umussu n Ḥirak, akk ineɛruḍen n beṭṭu ».

« S tririt n 22 furar d Ass aɣelnaw n tegmat akked temyamaẓt Aɣref-Taredsa, Aselway Tebboune yefka akk inumak i yizalen n temsetlelt, n tdukli, n tegmat akked temyamaẓt gar uɣref akked Tredsa-s i lfayda n tugdut akked usnefli i ttraǧun akk deg wakal n tmurt », i d-yenna Mass Belhimer almend n usfugel n umulli wis 2 n wass-a aɣelnaw.

Tamyamaẓt-a, ur tɣelli ara tbedd mgal n uhuccu, i yerna yenna-d, « tessebrer akk ineɛruḍen n uceqqeq userhef, mi d-yella umussu n 22 furar 2019, i wumi nesfugel amulli-s wis 2 s tuzzya ɣer lebni n Lezzayer tamaynut ».

« Asenṣeb n Wass-a » yusa-d ad yesseǧhed n uẓu n useɣwen n tidet yerna d afeɣnam yemmal-d tuṭṭfa tamezruyant iǧehden gar Tredsa taɣelnawt taɣerfant akked Uɣlan », i d-yezzireg.

Iger-d tamawt dakken deg Lezzayer, Taredsa akked Uɣref « d izri akked yimal ucrik akked yimal yelhan iɣef xelṣen tabzert tameqqran Yimeɣrasen-nneɣ deg tallit n uzbu mgal n yiwet seg tdusiyin n thersa iǧehden n tallit-nni ».

Ass aɣelnaw n tegmat akked temyamaẓt, d abrir i uneɛruḍ n usɣisi n useɣwen yellan gar Uɣref akked Tredsa
  Yeffeɣ-d ass n : Aynas, 22 Fuṛaṛ 2021 22:01     Taggayt : LEZZAYER     Ɣran-t : 0 n tikkal   Bḍu