Menu principal

Menu principal

Liḥala tamnaḍant akked ukaram n Tniri Tutrimt ters deg tsetratijit n Sswis

Yeffeɣ-d ass n : Asinas, 09 Fuṛaṛ 2021 22:17   Ɣran-t : 0 n tikkal
Liḥala tamnaḍant akked ukaram n Tniri Tutrimt ters deg tsetratijit n Sswis

LEZZAYER  TAMANEƔT - Tuttriwin tamnaḍanin akked tegraɣlanin, ladɣa liḥala  deg Libya, deg Ssaḥel akked Tniri tutrimt ters deg tlemmast n tmeslayt i d-yellan gar uneɣlaf n Yiweẓla iwerdaniyen, Sabri Boukadoum akked unmazul n uselway n Umqun n Sswis, aɣella n Ugezdu afidirali n Yiweẓla iwerdaniyen, Ignazio Cassis, deg ukatar n tsetratijit tamaynut taswisit i Tefriqt akked temnaḍt n Ssaḥel.

Tirzi n Mass Cassis ɣer Lezzayer, d taɣsert tamezwarut n tuzzya-s deg Tefriqt, ara tyawin ɣer Mali, Ssanigal akked Gambya, gar yiswan yellan d aseǧhed n tuqqna akked umciwer gar snat n tmura ɣef tuttriwin yemgarden ama tigraɣlanin neɣ timnaḍanin, ɣef uqerru-nsen tuttra n Tniri tutrimt, i d-yenna i d-yenna usmel El Portal Diplomatico i d-ibedren warrat n Ugezdu afidiral n Yiweẓla iwerdaniyen.

Deg warrat-is, aɣlif aswiwi n Yiweẓla iwerdaniyen yesseddi-d dakken « ad tesmemmi tmurt n Sswis, i tikkelt tamezwarut, yiwet n tseratijit yerzan Tafriqt Tadunirant akked temnaḍ n Ssaḥel 2021-2024 », i d-yenna uɣbalu-nni.

 « Tamurt n Sswis tebɣa, deg tsetratijit-a, ad tessiɣ tafat ɣef wassaɣen yegten yellan akked temnaḍt, akked uselqey n wassaɣen akked tmura tifriqiyin », i d-yezzireg Mass Cassis i d-yesseddin dakken tasetratijit-a « tettwasenfel ɣef uzadur n umciwer hrawen ideg ttekkan igensasen idiplumatiyen n 30 n tmura tifriqiyin, s yiwet n tmuɣli n ucrak n tidet ».

Liḥala tamnaḍant akked ukaram n Tniri Tutrimt ters deg tsetratijit n Sswis
  Yeffeɣ-d ass n : Asinas, 09 Fuṛaṛ 2021 22:17     Taggayt : LEZZAYER     Ɣran-t : 0 n tikkal   Bḍu