Menu principal

Menu principal

Lḥirak aɣerfan, d tawelha yerna d uggug mgal n wakk inessisen akken bɣun ilin

Yeffeɣ-d ass n : Aynas, 08 Fuṛaṛ 2021 22:53   Ɣran-t : 1 n tikkal
Lḥirak aɣerfan, d tawelha yerna d uggug mgal n wakk inessisen akken bɣun ilin

LEZZAYER  TAMANEƔT - Aneɣlaf n Teɣwalt, Amutlay n Unabaḍ, Ammar Belhimer yenna-d dakken Lḥirak aɣerfan yeɣal « d tawelha » i yiɣrefan yerna d « uggug » mgal n wakk inessisen yemgarden akken bɣun ilin, yesmekti-d dakken Anabaḍ iga isuḍaf i wakken « ad ihud ifukal n tkerkas yerna ad ibedd mgal » n tigawin timcenga n yicenga i la yettfaṛasen tallunt n wanternet i wakken ad zzuzren ssem-nsen.

Deg yiwet n tdiwennit i yefka i uyalas "El Massa", yezzireg-d Mass Belhimer dakken aɣref azzayri « yefka i umaḍal yiwet n temsirt tamelwit, s umussu aɣerfan n 22 furar 2019, yewwḍen ɣur tqacuct n tlelli, n tiwwin akked tefrit i wakken ad yerr akala n lebni aɣelnaw s abrid-is, yuɣal d uggug i wid irewwin akked wid ibeṭṭun yerna yesseɣli adrar n usgufsu i qrib snegren imal n tsutwin i d-iteddun ».

Amussu n lḥirak aɣerfan i wumi ara nesfuggel aseggas-is wis sin yuɣal d « tawelha i yiɣerfan akked tedɣar, d uggug daɣen mgal n wakk inessisen yemgarden yellan deg yiẓeḍwa inmettiyen akked yisemlen n telɣut meckuken i yerran d annar n wawal ».

Yerna yenna-d dakken Anabaḍ « iga yiwen n umazrar n yisuḍaf i wakken ad yewwet ifukal-a n tkerkas yerna ad yuɣal d ugur deg ubrid n tigawin timcenga n yicenga i yesmahalen  tallunin n wanternet i wakken ad zzuzren ssem-nsen ».

Yezzireg-d dakken iḍrisen n yisuḍaf yerzan talɣut taliktrunant « ad aɣ-tessiweḍ akken ad nekkes akk ckukat ɣef urmud n tɣamsa taliktrunant yerna ad tefreq gar umsadur akked yiḥeffaḍen n usadur yellan ddaw leɛnaya n teswasin n dir i ur nzemmer ara ad aɣ-d-drren ɣer deffir.

Lḥirak aɣerfan, d tawelha yerna d uggug mgal n wakk inessisen akken bɣun ilin
  Yeffeɣ-d ass n : Aynas, 08 Fuṛaṛ 2021 22:53     Taggayt : LEZZAYER     Ɣran-t : 1 n tikkal   Bḍu