Menu principal

Menu principal

Asaḍuf afranan : 35 n yikabaren n tsertit i yuznen isumren-nsen

Yeffeɣ-d ass n : Aynas, 01 Fuṛaṛ 2021 23:38   Ɣran-t : 1 n tikkal
Asaḍuf afranan : 35 n yikabaren n tsertit i yuznen isumren-nsen

LEZZAYER  TAMANEƔT - D aɣrud n 35 n yikanaren n tsertit i yuznen isumren-nsen i Tesqamut taɣelnawt yettwakelfen n ucegger n usaḍuf agmanan yerzan anhil afranan, i d-yenna ass n uynas (letniyen) deg Lezzayer tamaneɣt, aneqqas n tesqamut-a, Walid Laggoune.

« Termes Tesqamut isumren i d-yekkan seg 35 n yikabaren n tsertit. La tkeyyed tesqamut s telqey isumren-nni i wakken ad zemren ad ten-awin i Mass aselway n Tegduda, Abdelamdjid Tebboune », i d-yesseɣret ɣef temdeswalin n rradyu taɣelnawt.

Aḍris n usend-senfar n usaḍuf afranan i d-yesgarwen aɣrud n 313 n yimagraden ideg llan 73 n yimuyna ɣef 188 n yimagraden gar imuyna akked wid yettwasenwin, aḍris-a fkan-t sin n yimalas aya i yikabaren n tsertit i usbuɣɣer.

Ɣef wakken i d-yenna uprufisur b Uzref anagdud deg Tesdawit n Lezzayer tamaneɣt, yiwet seg gar tsemmeskal tigejdanin deg usenfar n usaḍuf d abeddel deg uskar n terfant.

« Akk asaḍuf akked yibeddilen-is yeddes ɣef uskar amaynu n tefrant i d-nga. Askar amaynu d askar n tefrant ila asmil-is n uktassaɣ s udɣar ayifan ɣef yiwen n wumuɣ yeldin », i d-yessgzi.

S imeslayen-iḍen, i yerna yenna-d, « ad yekkes usmunu, ur yettili ara uqerru n wumuɣ, adeɣɣar d ilelli deg ufran n umazwar i yebɣa ».

Asaḍuf afranan : 35 n yikabaren n tsertit i yuznen isumren-nsen
  Yeffeɣ-d ass n : Aynas, 01 Fuṛaṛ 2021 23:38     Taggayt : LEZZAYER     Ɣran-t : 1 n tikkal   Bḍu