Menu principal

Menu principal

Lezzayer-Rrus : anmireg i uɣraf n tgezzayt Spoutnik V deg Lezzayer

Yeffeɣ-d ass n : Asamas, 31 Yennayer 2021 23:29   Ɣran-t : 0 n tikkal
Lezzayer-Rrus : anmireg i uɣraf n tgezzayt Spoutnik V deg Lezzayer

LEZZAYER  TAMANEƔT - Lezzayer akked Rrus msegzin, deg yiwet n temlilit i d-yeḍran ass n usamas (lḥedd) gar uneɣlaf Amenzu, Abdelaziz Djerad akked unmahal n Tfidiralit n Rrus deg Lezzayer, Igor Beliaev, akken ad cetlen inermisen i wakken ad gen anmireg asindisan deg taɣult n uɣraf n tgezzayt mgal n waṭan n Unfafad Bu Tesmert (Covid-19) n rrus « Spoutnik V » deg Lezzayer, i d-yenna yiwen n ulɣu n yimeẓla n uneɣlaf Amenzu.

Yuzen uneɣlaf Amenzu, i lmend n waya, « s yisem n Uselway n Tegduda, Mass Abdelmadjid Tebboune, isnemmar n unabaḍ n Lezzayer i yiduba unnigen n rrus ɣef uzal fkan i usuter n Lezzayer deg wayen yerzan tiwin n tgezzayt tarusit Spoutnik V, deg ukatar n wussisen n Unabaḍ i umennuɣ mgal n waṭan n Unfafad Bu Tesmert (Covid-19) », i d-yenna uɣbalu-nni.

« Msegzan deg sin yid-sen, i lmend n waya, akken ad cetlen inermisen gar yimeẓla terza temsalt n snat n tmura deg yiwen n yiswi n useḍru n unmireg asindisan deg taɣult n uɣraf n tgezzayt tarusit Spoutnik V deg Lezzayer », i d-yesseddi ulɣu-nni.

Timlilit-a, i d-yeḍran deg Leqṣer n unabaḍ, d tagnit i fuṛsent sin yiḥricen-a « akken ad inin lferḥ-nsen ɣef tɣara n wassaɣen yellan gar Lezzayer akked Rrus akked beqqu n snat n tmura akken ad ten-sǧehden yerna ad tent-smesklen ugar », i d-isegra uɣbalu-nni

Lezzayer-Rrus : anmireg i uɣraf n tgezzayt Spoutnik V deg Lezzayer
  Yeffeɣ-d ass n : Asamas, 31 Yennayer 2021 23:29     Taggayt : LEZZAYER     Ɣran-t : 0 n tikkal   Bḍu