Menu principal

Menu principal

Asenfar n usaḍuf afranan yured tifratin timellilin i usenger n usgufsu

Yeffeɣ-d ass n : Lexmis, 21 Yennayer 2021 22:58   Ɣran-t : 50 n tikkal
Asenfar n usaḍuf afranan yured tifratin timellilin i usenger n usgufsu

LEZZAYER  TAMANEƔT - Aneɣlaf n Teɣwalt, Amutlay n unabaḍ, Ammar Belhimer, yenna-d ass n ukwas (lexmis) dakken timerwit n usend-senfar n usaḍuf agmanan yerzan anhil afranan yured « tifratin timellilin i usenger n usgufsu i yessalexxen tisellat n Lezzayer ».

Deg yiwet n tdiwennit i yefka i usmel n telɣut « DZ 54 » i d-iteffɣen deg Wanternet, yesseddi-d Mass Belhimer dakken timerwit-a deg-s « tifratin timellilin i usenger n usgufsu i yessalexxen tisellat n Lezzayer akked usexṣer n tisuda, yerna yegla ula s tsuda yettwafernen i yesmahlen idrimen ilexxaxen akked usgufsu akked ad aɣen tuɣac akked tefrit, d ayen i iɛezlen tissugriwin zeddigen ».

Yemmeslay-d ɣef yilugan igejdanen yerzan asiẓref n tḥemla tafranant, yenna-d dakken almend n yiwen n umagrad n send-senfar n usaḍuf, uɣbula n usiẓref d ayen ara fken yikabaren n tsertit akked wayen ara d-yefk umazwar s timmad-is rnu-as tikci tumḍint n yiɣermanen, akked tallelt i yezmer ad yefk Uwanak i umazwar rnu-d tririt n uḥric i yes-s d-tettenqam tḥemla i yezmer Uwanak ad tt-id-yefk.

 

D akaten ara yilin d « ẓẓerb iǧehden » i usezzem n yigi asertan, i d-yenna, yerna yenna-d dakken amagrad-a amaynu yerzan asmemmi n « wunuɣ yeldin », ara yessiwḍen aferran ad yefren amazwar neɣ imazwaren ɣef wakken i yebɣa ad mseḍfaren, ad yettekki daɣen deg umennuɣ mgal waṭan n usgufsu afranan.

Last modified on Ssebt, 23 Yennayer 2021 23:39
Asenfar n usaḍuf afranan yured tifratin timellilin i usenger n usgufsu
  Yeffeɣ-d ass n : Lexmis, 21 Yennayer 2021 22:58     Taggayt : LEZZAYER     Ɣran-t : 50 n tikkal   Bḍu