Print this page

Lezzayer teklal ad tili Tredsa-s « tezga deg uswir n yicqirrwen imiranen »

Yeffeɣ-d ass n : Ttlata, 19 Yennayer 2021 12:53   Ɣran-t : 104 n tikkal
  • Bḍu
Lezzayer teklal ad tili Tredsa-s « tezga deg uswir n yicqirrwen imiranen »

LEZZAYER  TAMANEƔT - Ajiniral n Tfekka n Tredsa, Saïd Chanegriha, Aɣella n Yifesyanen n Tredsa taɣelnawt taɣerfant, yenna-d ass uynas (letniyen) deg Beccar dakken Lezzayer « meqqret » yerna « teǧhed » s umezruy-is akked tesnakalt-is, teklal ad tili Tredsa-s « tezga ters deg uswir n yicqirrwen imiranen », ladɣa mi ara tili « liḥala ur terkid ara » am wakka i tella tura temnaḍt, i d-yenna yiwen n ulɣu n uɣlif n Temḥaddit taɣelnawt.

« D iseɣ ameqqran i Tredsa taɣelnawt taɣerfant, tawṛit n Tredsa n uslelli aɣelnaw mi ara tali ɣer udar n lweṛt n Yimeɣrasen yerna ad tili deg uswir n wayen i d-yessutur lwaǧeb aɣelnaw, ama deg tmasit n uḥuddu n tmurt, aḥareb ɣef tdukli, amesten n ubaɣur akked uḥareb ɣef tnaya-s, ladɣa deg liḥala ulac

arkad deg temnaḍt-nneɣ », i d-yenna Ujiniral n Tfekka n Tredsa, deg taggara n yiwen n ulaɣmu i gan  s teldunin n tidet, i wumi semman "Al-Hazm 2021", i d-yeḍran deg Temnaḍt taredsant tis 3, i yersen deg ukatar n usektazel n umecwar amezwaru n wahil n uheyyi s imenɣi n useggas 2020-2021.

Akka i yella lḥal, « Lezzayer meqqret yerna teǧhed, s umezruy-is akked tirakalt-is, yezzin s imal yulin s aswir n umezruy-a akked tirakalt-a, teklal ad tili Tredsa-s tezga deg uswir n yicqirrwen-a i la tettqabal ass-a, akka ara teqqim i lebda d tilellit yerna d tanayant, tzebbu mgal n yicenga n yiḍelli akked wid n wass-a », i d-yezzireg.

 

Last modified on Ttlata, 19 Yennayer 2021 12:57
Lezzayer teklal ad tili Tredsa-s « tezga deg uswir n yicqirrwen imiranen »
  Yeffeɣ-d ass n : Ttlata, 19 Yennayer 2021 12:53     Taggayt : LEZZAYER     Ɣran-t : 104 n tikkal   Bḍu