Menu principal

Menu principal

Tamettant n umǧahed Moussa Cherchali : yuzen Uselway Tebboune aɛezzi-s

Yeffeɣ-d ass n : Asiḍyas, 16 Yennayer 2021 21:15   Ɣran-t : 0 n tikkal
Tamettant n umǧahed Moussa Cherchali : yuzen Uselway Tebboune aɛezzi-s

LEZZAYER  TAMANEƔT - Aselway n tegduda, Mass Abdelmadjid Tebboune yuzen yiwen n yizen n uɛezzi i twacult n umerḥum amǧahed Moussa Cherchali i umi ɣɣaren « Si Mesṭafa », ideg izul abrid « abaɣur » i d-yewwi umerḥum akked tidgiwin tisertanin n « timasnagin ».

 « +A kečč, iman yersen, uɣal ɣer Mass-ik thennaḍ, kcem-d gar yiqeddacen-Iw t-kecmeḍ deg Temsunt-Iw+. S wannuz sdat beqqu n Yuc i sliɣ s yisali uḥzin n tmettant n gma, n umeddakel amǧahed yerna d anesɣamu n Usqamu n uɣlan, Moussa Cherchali i umi ɣɣaren « Si Mesṭafa », seg i d-yewwi yiwen n ubrid abaɣur deg wayen yerzan tikci-s akked tɣersawt », i yura Uselway Tebboune deg yizen-is n uɛezzi.

Yesmekti-d dakken « Si Mesṭafa yella seg yimǧuhad imezwura n usrag amezwaru i irefden imrigen mgal n umhersan i wakken ad yeslelli akal-nneɣ azedgan yeswan idammen n yimǧuhad », yenna-d Uselway n Tegduda dakken amerḥuml « yekcem ɣef zik lḥal s idurra n Tredsa n uslelli aɣelnaw ideg yeṭṭef imeḍqan n tmasit yerna ixuleḍ imasayen inmezruyen n ugezdu wis IV ».

« Seg tewwi Lezzayer azarug-is, amǧahed amerḥum « Si Mesṭafa » ur yesgunfi ara yerna ikemmel akked yimeddukal-is akala n lebni s tuṭṭfa n yemḍiqen akked tuɣdaḍin i as-fkan », i yerna yenna-d Uselway Tebboune, yezzireg-d dakken amerḥum « ikemmel akka armi d taggara-s d yisem-is d aqeddac n uɣref, d abugaṭu ilelli i yettḥuddun azref anda yella, neɣ d agensas n uɣref deg Usqamu n uɣlan, imeddukal-is d inagan ɣef tikli-s iweqmen, timuɣliwin-is igerzen akked tesnagt n tedgiwin-is tisertanin ».

« Deg liḥala-a n leḥzen, ad ssimleɣ i yinesɣuma n twacult-is, iqriben-is akked yirfiqen-is imǧuhad aɛezzi-w akked wafrayen-is n tegmat, ad neẓẓal i Yuc Uzmir i wakken ad tyermes deg Lǧennet-is yazen-d ṣṣber i yiqriben-is. Nekni n Yuc ɣer-s ara nuɣal », i d-isegra Uselway n Tegduda.

Tamettant n umǧahed Moussa Cherchali : yuzen Uselway Tebboune aɛezzi-s
  Yeffeɣ-d ass n : Asiḍyas, 16 Yennayer 2021 21:15     Taggayt : LEZZAYER     Ɣran-t : 0 n tikkal   Bḍu