Menu principal

Menu principal

Schenker: Tasertit tamarikanit ɣer Lezzayer « d timezgit yernu d turkidt »

Yeffeɣ-d ass n : Asimwas, 08 Yennayer 2021 12:16   Ɣran-t : 0 n tikkal
Schenker: Tasertit tamarikanit ɣer Lezzayer « d timezgit yernu d turkidt »

LEZZAYER TAMANEƔT – Yenna-d uduwnetlay n uwanak amarikani d-yelhan s temsal n Ugmuḍ Amadus d Tefriqt n Ugafa deg ugezdu n uwanak amarikani, David Schenker, ass n ukwas deg Lezzayer Tamaneɣt, dakken tasertit n tedbelt tamarikanit deg wayen yerzan Tafriqt n Ugafa « d timezgit », ladɣa deg wayen yerzan Lezzayer yetturaren tamlilt d « taferrast yernu d tanfarast » deg umenẓaw afriqi.

Yerna-d dakken « tideblin timarikaniyin ay yemseḍfaren, ama d tigdudanin neɣ d timegda, ttekkant akk deg usejhed n wassaɣen d Lezzayer », yernu yesmekti-d s « ticcurka d unmireg asnuddsan d Lezzayer deg tɣult n tdamsa ».

Yebder-d daɣ dakken assaɣen gar Yiwanaken Yeddukklen d Lezzayer d ilqayanen yernu d imezruyanen, bdan-d seg yiseggasen n 1950, asmi ay d-yenna John Kennedy, deg yinaw-nnes n 1957, dakken yedhel azarug n Lezzayer.

Amasay-a amarikani yerna-d iwekked-d daɣ anmireg adiplumati ay d-yellan gar snat-a n tmura asmi ay tettekka Lezzayer, 40 n yiseggasen aya, deg uslelli n 52 n yidiplumatiyen imarikaniyen yettwaṭṭfen d imeṛhan deg Iṛan i tallit n 444 n wussan.

Washington tmuhel daɣ ɣer yidis n Lezzayer yellan d tanebdammast deg ufaki n umgaru gar Ityupya d Iritirya deg 2000, am wakken ay turar Lezzayer tamlilt d taferrast deg usiweḍ ɣer umtawa n talwit d umsuɣal deg Mali, ay yettwazemlen deg 2015, ɣef wakken ay d-ikemmel.

 

 

Schenker: Tasertit tamarikanit ɣer Lezzayer « d timezgit yernu d turkidt »
  Yeffeɣ-d ass n : Asimwas, 08 Yennayer 2021 12:16     Taggayt : LEZZAYER     Ɣran-t : 0 n tikkal   Bḍu