« Seg yefka awal i yinesɣuma n Usqamu Unnig n Tɣellist akken ad mmeslayen ɣef yigazen n wahil n temlilit, Aselway n Tegduda iweṣṣa i wakken ad ddmen akk ikaten yessefken i wakken ad allen asduqqes iǧehden n tdamsa, ladɣa seg d-yeḍra usbak i d-yewwi unfafad Bu Tesmert (Covid-19) akked uɣelluy n uzal n upiṭrul, akked trusi n yiwen n Uɣawas n useǧhed ara iruḥen deg tnila n yinfarasen s ucrak n ugzum uslig akked unegdud », i d-yesseddi uɣbalu-nni.

Almend n tegnit-a, izul Uselway n Tegduda ussisen i gan i « uḥareb ɣef urkad amatu deg yiwet n twennaḍt tamnaḍant icudden yerna yendin ».

Deg taggara, aselway n Tegduda « iḥettet ɣef ukemmel deg waddud akked tɛessast deg wakk iswiren akken ad tezmer Lezzayer ad tebdu imecwaren-is ixataren i la d-iteddun, ad temwata akked yicqirrwen n useggas n 2021, almend n tnefliyin i d-yeḍran deg temnaḍt, ladɣa deg tellunt tamnaḍant i d-yezllan d tanaragt », i d-isegra ulɣu.