Menu principal

Menu principal

S tuqqla n uselway Tebboune, Zzayer ad tqabel akk icqirrwen-nnes

Yeffeɣ-d ass n : Asamas, 03 Yennayer 2021 11:25   Ɣran-t : 0 n tikkal
S tuqqla n uselway Tebboune, Zzayer ad tqabel akk icqirrwen-nnes

LEZZAYER TAMANEƔT - Yenna-d uneɣlaf n yiweẓla iwerdaniyen, Sabri Boukadoum, ass n usiḍyas deg Lezzayer Tamaneɣt, dakken s tuqqla n uselway n tegduda, Abdelmadjid Tebboune, Lezzayer ad tebdu tiddit d taruradt i lmend n uqabel n wakk icqirrwen-nnes.

"Aṭas n temsal ay yesrin ad yili uselway yernu, imir-a, mi akka ay d-yeqqel, Lezzayer ad tebdu tiddit d taruradt i lmend n uqabel n wakk icqirrwen ay tt-yeggunin ass-a", ɣef wakken ay d-yenna Mass Boukadoum i tɣemsa deg yijifeṛ n yiwet n tfugla i lmend n tuffɣa n tesmalt tis 49 n Uɣerbaz Aɣelnaw n Tedbelt.

Deg tririt-nnes ɣef tuttriwin n yineɣmasen, iwekked-d uneɣlaf n yiweẓla iwerdaniyen dakken "ayen bɣun sgurin-t-id yimasayen iwerdaniyen, ayen ara d-inin ur yezmir ad iḍurr Lezzayer deg wacemma".

"Lezzayer d awanak ujhid, d win yesɛan amezruy ɣezzifen deg umennuɣ mgal teẓrahrest, d win yesɛan taredsa d tujhidt yernu d win yesɛan timeɣsiwt akken ad iqabel yal ccedda. S waya, ur yessefk ara ad naggad icqirrwen", ɣef wakken ay d-iwekked Mass Boukadoum ay d-yernan dakken "icqirrwen meqqrit, maca ur yessefk ara ad ten-naggad".

Yerna-d daɣ dakken "Lezzayer, ay yesɛan tilisa d sat (7) n tmura, d tin d-yeggaren tiɣri i talwit yernu tettmahal akken ad tt-tessiɣ deg tmura tinaragin, am wakken ay tettmahal i lmend n uferru n wakk imyenkafen, ama deg Libya, ama deg Mali", am wakken ay d-yerna dakken Lezzayer "tettḍafar tifranin deg Nijir am wakken ay tettḍafar tagnit deg Tniri Tutrimt, Muriṭanya d Ugrakal". 

Last modified on Aynas, 04 Yennayer 2021 11:26
S tuqqla n uselway Tebboune, Zzayer ad tqabel akk icqirrwen-nnes
  Yeffeɣ-d ass n : Asamas, 03 Yennayer 2021 11:25     Taggayt : LEZZAYER     Ɣran-t : 0 n tikkal   Bḍu