Menu principal

Menu principal

Tasmektayt ẓẓayen i la yettraǧun Aselway Tebboune seg ara d-yekcem ɣer tmurt

Yeffeɣ-d ass n : Akras, 30 Dujembeṛ 2020 23:52   Ɣran-t : 1 n tikkal
Tasmektayt ẓẓayen i la yettraǧun Aselway Tebboune seg ara d-yekcem ɣer tmurt

LEZZAYER  TAMANEƔT - Tasmektayt ẓẓayen deg uɣawas asertan, adamsan akked unmetti i la yettraǧun aselway n Tegduda, Abdelmadjid Tebboune, i d-ikecmen ɣer Lezzayer tamaneɣt iḍelli tameddit n wass usinas (ttlata), seg yesɛedda kra n wussan deg Lalman anda i iduwa seg i t-yeṭṭef unfafad Bu Tesmert (Covid-19).

Tasmektayt-a ters deg ubrid n ukemmel n 54 n yinmeqqnen yellan deg wahil afranan n Uselway Tebboune. Deg tazwara, aɣella n Uwanak ad yesselwi tafugla n ustenyi n Usaḍuf n Tiẓraf n useggas n 2021 ara d-yilin qbel n 31 dujember n yal aseggas.

Almend n yinmeqqnen n uselway n Tegduda, Asaḍuf n tiẓraf n useggas 2021 ad ikemmel tallalt tanagdudt deg yiwen n yiswi n uḥareb ɣef tezmert n tiɣin n taggayin turhifin n tmetti aya, deg ukatar n tsertit tanmettit n Uwanak, ɣas akken llan wuguren n tiẓraf i tedder tmurt ɣef ssebba n waṭan n Unfafad Bu Tesmert (Covid-19) akked uɣelluy n uzal n upiṭrul.

Deg yiwet n tseɣrut wezzilen mi i d-yewweḍ ɣer Lezzayer tamaneɣt, Aselway Tebboune ur yezgil ara akken ad yesɣelles taggayin turhifin deg wayen yerzan addud n Uwanak n Lezzayer s idis-nsent i wakken ad tent-mmestanent mgal wayen i yes-s ara d-teglu tezɣent tadawsant, i d-yewwi waṭan n Unfafad Bu Tesmert (Covid-19).

La nettraǧu ad yestenyi uselway n Tegduda tanaḍt n usmedden n Tmenḍawt tamaynut, i yettwasmemmin s tsefran ass n 1 wamber yezrin, d ayen ara iɣeḍmen beddu n ukala n useḍru n 54 n yinmeqqnen yellan deg wahil afranan n Uselway i wakken ad icudd tamurt ɣer « Lezzayer tamaynut ».

Tasmektayt ẓẓayen i la yettraǧun Aselway Tebboune seg ara d-yekcem ɣer tmurt
  Yeffeɣ-d ass n : Akras, 30 Dujembeṛ 2020 23:52     Taggayt : LEZZAYER     Ɣran-t : 1 n tikkal   Bḍu