Menu principal

Menu principal

Taɣwalt : tugta n yisenfaren i ncar ha-ten-in deg « twaẓit igerzen »

Yeffeɣ-d ass n : Asamas, 27 Dujembeṛ 2020 23:57   Ɣran-t : 1 n tikkal
Taɣwalt : tugta n yisenfaren i ncar ha-ten-in deg « twaẓit igerzen »

LEZZAYER  TAMANEƔT - Aneɣlaf n Teɣwalt, amutlay n unabaḍ, Ammar Belhimer, yenna-d ass n usamas (lḥedd) dakken tugta n yisenfaren icar uɣlif-is deg ukatar n tsemmeskelt n ugzum n Teɣwalt ha-ten-in deg « twaẓit igerzen ».

« Tugta n yisenfaren-a deg twaẓit igerzen ideg llan, ladɣa wid ilan iswi n usersi n ukatar azerfan iweqmen i wakken ad nessedu agzum n tɣamsa taliktrunant, aṣeggem n uẓayar n TDA i usenzi n yifarisen ara d-yefk unsa Alcomsat-1, adellel akked usenqed », i d-yesseɣret Mass Belhimer deg yiwet n tdiwennit i iga akked uyalas aɣelnaw El Moudjahid.

Yessgzi-d dakken acanṭi amezwaru n uɣawas-a n tigawt yerza « amtawa-amsegzi agaktan i umahil deg telwit n usadur ara yesduklen tilelli akked urkad », yezzireg-d dakken tissudert n yimidyaten « sɛan azadur n beddu aqader akked snesla n yizalen isegmanen », ma yella d « lkerh, taẓririt, taẓramnaḍt, taẓragzumt, takriḍt akked wakk talɣiwin n usuffeɣ ».

Ma yella d tẓa n « canṭiyen-iḍen » rzan aḍman n uzref n telɣut deg ukatar aẓruggtan, ilem azerfan ideg yella ugzum, ackaḍ n tikkit taggarant ɣer teɣwalt tumḍint, asermed n teɣwalt tasudant, asnerni n uẓeḍwu n telɣut n yijufar i useǧhed n tugdut tattekkant, asmal n telɣut akked tɣara, aselhu n tugna n Lezzayer deg twerda, aglugen n urmud n usenqed n ṛṛay, deg taggara tallalt n yinmalasen akked teẓrigin yemmuzzgen, i la yettqabalen uguren n tiẓraf.

Yemmeslay-d ɣef « tsemmeskelt lqayen » n tɣamsa tanagdudt, yenna-d uneɣlaf dakken deg « Lezzayer tamaynut, ulac amgared gar yimidyaten inegduden akked wid yellan d usligen » i wumi isemma « icriken, deg tuɣdaḍt tucrikt akked wuẓu ugar n tlelli n wawal akked usmal n yizerfan i telɣut ».

Taɣwalt : tugta n yisenfaren i ncar ha-ten-in deg « twaẓit igerzen »
  Yeffeɣ-d ass n : Asamas, 27 Dujembeṛ 2020 23:57     Taggayt : LEZZAYER     Ɣran-t : 1 n tikkal   Bḍu