Affugen-a n usuɣal rzan izzayriyen iweḥlen deg Fṛansa, Lalman, Spenyul, Limaṛat Taɛṛabin Yeddukklen d Kanada.

Deg wayen yerzan Fṛansa, affugen seg unafag n Paris Orly d Marseille ɣer Lezzyer Tamaneɣt llan yal ass (akk ussan n yimalas). Affugen gar Lyon d Lezzayer Tamaneɣt llan yal ass n ukwas, ass n usiḍyas d wass n usamas. Affugen ad ilin gar Lille d Lezzayer Tamaneɣt llan yal ass n usinas. Ma d affugen gar Metz d Lezzayer ad ilin yal ass n uynas seg wass n 4 Yennayer 2021 d asawen.

Affugen seg Lalman ad d-ttilin seg Frankfurt ɣer Lezzayer Tamaneɣt yal ass n ukras. Affugen seg Spenyul ad d-ttilin seg Alicante-Lezzayer (yal ass n ukwas), Barcelona-Lezzyer (yal ass n usamas) d Madrid-Lezzayer (yal ass n usimwas yernu ad yebdu waya ass n 1 Yennayer 2021).

Affugen seg Limaṛat ad d-ttilin seg Dubai ɣer Lezzayer yal ass n ukwas seg 7 Yennayer 2021.

Affugen seg Kanada ad d-ttilin gar Montreal ɣer Lezzayer yal asiḍyas seg 2 Yennayer d asawen.

Iɣermanen ay terza temsalt yessefk ad sɛun tinfulin d-yettwawekkden n Air Algerie, am wakken ay yessefk ad sɛun tasaggit n yirim n PCR d ibaw ay d-yeffɣen 72 n yisragen uqbel ma ṭṭfen asafag yernu yessefk ad ssiggzen iman-nsen deg usmel n rapt.airalgerie.dz, ɣef wakken ay d-twekked tkebbanit-a.