Menu principal

Menu principal

Asekcem n kra n tmeẓra yemgarden n tkatut taɣelnaw deg wahilen n uselmed

Yeffeɣ-d ass n : Asinas, 22 Dujembeṛ 2020 22:02   Ɣran-t : 3 n tikkal
Asekcem n kra n tmeẓra yemgarden n tkatut taɣelnaw deg wahilen n uselmed

LEZZAYER  TAMANEƔT - Asemtar n uselway n Tegduda yettwakelfen s tirsin akked tkatut taɣelnawt, Abdelmadjid Chikhi, yeɣra-d ass n usinas (ttlata) deg Lezzayer tamaneɣt i usekcem n kra n tmeẓra yemgarden n tkatut taɣelnaw deg wahilen n uselmed akked usileɣ i useǧhed n tdukli taɣelnawt akked uqabel n yicqirwen.

Deg yiwen n yinaw i d-yeɣra deg temlilit tawalant akked umaqqan n yigensasen iɣlifanen yerza ukaram n tkatut akked yinesmigal n tmetti taɣarimt, yesseddi-d Mass Chikhi dakken « yewweḍ-d wakud i wakken  ad yili ucegger n wahilen n uselmed akked usileɣ yerzan amezruy akked tutlayt taɛrabt s tikci n uzal i snat tenga-a ».

Ɣef wakken i yettwali Unemhal amatu n Tirsin taɣelnawt, asekcem n kra n tmeẓra yemgarden n tkatut taɣelnaw deg wahilen n uselmed akked usileɣ d axatar, acku « ad tesseǧhed tadukli taɣelnawt yerna ad qabel icqirwen i d-iḥettem usnefli i d-yekkan seg tesnatwilt n telɣut akked teɣwalt akked wayen i yes-s i d-gellun ɣef tmetti, ladɣa timetti taɛrabt ».

Yerna-d, iḥettet Mass Chikhi ɣef wakken yessefk ad nefk azal i yigmaḍ n yinadiyen ussnanen, i gan t tesdawiyin akked temṣukin i d-yelhan akked umezruy akked tutlayt taɛrabt, sakin ad tent-rren heggant i « usmal uselmed n snat tengiwin-a, ladɣa deg yeswiren imezwura n uselmed ».

Deg wayen yerzan aya, asemtar n Uselway n Tegduda yenna-d dakken akk tigawin ara d-yeḍrun deg ukatar n wahli n Tkatut taɣelnawt yessefk ad yili « uttekki n wakk igzumen akked tmetti taɣarimt i wakken ad naweḍ ɣer yigmaḍ yelhan deg yiwen n ukud awezlan ».

Asekcem n kra n tmeẓra yemgarden n tkatut taɣelnaw deg wahilen n uselmed
  Yeffeɣ-d ass n : Asinas, 22 Dujembeṛ 2020 22:02     Taggayt : LEZZAYER     Ɣran-t : 3 n tikkal   Bḍu