Menu principal

Menu principal

Aselway Tebboune yekkes aɣbel i Yizzayriyen ɣef tegnit-nnes n tdawsa

Yeffeɣ-d ass n : Aynas, 14 Dujembeṛ 2020 10:14   Ɣran-t : 0 n tikkal
Aselway Tebboune yekkes aɣbel i Yizzayriyen ɣef tegnit-nnes n tdawsa

LEZZAYER TAMANEƔT – Iga-d uselway nt egduda, Mass Abdelmadjid Tebboune, ass n usamas, inaw i Yizzayriyen seg udeg-nnes n temgurt deg Lalman, akken ad yekkes asen-yekkes aɣbel ɣef tegnit-nnes n tdawsa, am wakken ay d-yerna dakken tawala-nnes n temgurt « tezmer ad tettwasseɣzef s kraḍ n yimalasen » imi ay t-terra tmara ad yeg aya akken ad d-yerr « tadusi-nnes ».

« Azal n sin n wayyuren aya, wwin-iyi s tetrabt ɣer uzɣar deffir ma uḍneɣ anfafad bu uqacuc. Ass-a, ammal i Yuc, yernu s umahil n yimsujjiyen-nneɣ n usegnaf alemmas n tredsa d yimsujjiyen almaniyen, aql-iyi ttejjiɣ yernu tawala-a n temgurt tezmer ad ternu kraḍ n yimalasen akken ad d-rreɣ tadusi-inu », ɣef wakken ay d-yenna deg yiwet n teẓrit ay d-iɛeddan deg umiḍan-nnes unṣib n Twitter.

Iwekked-d uselway dakken agugu-nnes ɣef tmurt « ur yeɣs ad d-yini dakken yettu-tt », am wakken ay d-yerna dakken atan yettḍafar yal ass, asrag, asrag, akk tidyanin ay iḍerrun deg tmurt, yernu yettakf-d lewṣayat mi ara terr tmara.

Yessawel-d daɣ uselway ɣef ubrid asertan ay d-yettwanejṛen i tmurt ay d-yebder ya deg tḥemla-nnes tafranant n tselwayanin n Dujembeṛ 2019 yernu yules yesnemmer Izzayriyen imi ay t-fernen aseggas-a am wakken ay yumeṛ taselwit akken ad tfak aheyyi n usaḍuf agmanan yerzan anagraw afranan war leɛḍil neɣ seg-a ɣef 10 neɣ 15 n wussan i lmend n ubeddu n ukala asertan amaynu deg ukatar n tmenḍawt tamaynut.

Deg wayen yerzan tagnit tadawsant n tmurt aydeg yules yezreɛ waḍḍan n Covid-19, yummar uselway Tebboune s unqas ay ineqqes umḍan n tejṛa timaynutin imi ay d-yeɣli umḍan-a seg 1.300 n tejṛa deg wass ɣer wazal n 520 n tejṛa, am wakken ay yesnemmer akk wid ay yettekkan deg unqas n umḍan-a.

Last modified on Asinas, 15 Dujembeṛ 2020 12:34
Aselway Tebboune yekkes aɣbel i Yizzayriyen ɣef tegnit-nnes n tdawsa
  Yeffeɣ-d ass n : Aynas, 14 Dujembeṛ 2020 10:14     Taggayt : LEZZAYER     Ɣran-t : 0 n tikkal   Bḍu