Menu principal

Menu principal

Timeskanin n 11 Dujembeṛ 1960: D tadyant taxatart i uɣref azzayri

Yeffeɣ-d ass n : Akwas, 10 Dujembeṛ 2020 12:28   Ɣran-t : 3 n tikkal
Timeskanin n 11 Dujembeṛ 1960: D tadyant taxatart i uɣref azzayri

ƐIN TIMUCENT – Timeskanin n 11 Dujembeṛ 1960 ay d-yebdan deg Ɛin Timucent sin n wussan uqbel d « tadyant tamezruyant taxatart ama i uɣref azzayri ama i wakk iɣerfan yettnaɣen s wakk talɣiwin mgal usehres d uqmar », ɣef wakken ay d-yenna Mohamed Lahcen Zeghidi, d anmezruy yernu d aselmad deg tesdawit n Lezzayer.

Deg yiwet n tdiwennit ay iga d Tnegga n Yisalan n Lezzayer kra n wussan uqbel asfugel n umulli wis 60 n tedyant-a tamezruyant, yenna-d usdawan Zeghidi dakken Timeskanin n 11 Dujembeṛ 1960 llant-d d « tamentilt tusridt i lmend n tuddma n uɣtas ameqqran akk deg umaḍal deg tallit-nni, d aɣtas ay mazal yettwaḍfar ar ass-a, yernu d win n uḍman n uzref n uguccelman i yiɣerfan ».

« Taneɣtust 15/14 n 14 Dujembeṛ 1960 ay yettwasmemmin deg Tedwilt Tis 15 n Yiɣlanen Yeddukklen tettwekkid-d azref n yiɣerfan i uguccelman yernu tḥettem, s waya, Fṛansa akken ad d-tebdu istagen war tiwtilin d Lezzayer », ɣef wakken ay d-yerna.

Mohamed Lahcene Zeghidi yesmekti-d dakken ifeṭṭiwej amezwaru n tmeskanin n Dujembeṛ 1960 yella-d deg Ɛin Timucent, mi yerza Ujiniṛal de Gaulle ɣef temdint-a ass n 9 Dujembeṛ ɣer yidis n tmagla n yineɣmasen, gar-asen inemyura igraɣlanen yettwassargen deg Paris.

« Igensasen n tɣemsa ur walan ara dakken Ajiniṛal de Gaulle mmugren-t d amalway yernu wehmen mi walan, deg temdint-nni [Ɛin Timucent] deg wass n 9 Dujembeṛ, timeskanin timeqqranin ay yessuddes uɣref azzayri akken ad d-yessken dakken yugi asenfar asertan n Fṛansa tahersant », ɣef wakken ay d-yenna Zeghidi ay d-yernan dakken ineɣmasen-nni s timmad-nsen yeddan d de Gaulle ḥedṛen i ccwal gar yinmeskanen d yiɣallen ihersanen n tɣellist deg Wehṛan ass n 10 Dujembeṛ, sakkin, ḥedṛen daɣ, ass n 11 Dujembeṛ, i tdalusin tucmitin ay tga tredsa tafṛansit mgal uɣref uɣḍis de wakk timnaḍin n tmurt.

 

Timeskanin n 11 Dujembeṛ 1960: D tadyant taxatart i uɣref azzayri
  Yeffeɣ-d ass n : Akwas, 10 Dujembeṛ 2020 12:28     Taggayt : LEZZAYER     Ɣran-t : 3 n tikkal   Bḍu