Menu principal

Menu principal

Yessefk usejhed n unmireg agraɣlan i uqabel n waḍḍan n Covid-19

Yeffeɣ-d ass n : Akras, 09 Dujembeṛ 2020 10:31   Ɣran-t : 0 n tikkal
Yessefk usejhed n unmireg agraɣlan i uqabel n waḍḍan n Covid-19

LEZZAYER TAMANEƔT – Iwekked-d uwnetlay amatu n uɣlif n ugensu, Abdallah Mounji, ass n usinas, dakken yessefk ad ssuggten anmireg d temsetlelt tagraɣlant i uqabel n yisemda ur yesɛin tamtilt n tkaɣreft n Covid-19, yernu yesmekti-d s temyadast tazzayrit am wakken ay d-iger tiɣri i uzeddi n ticcurka tanmaḍalt tamakkit i lmend n waya.

Deg yiwet n tinawt i lmend n urẓam n usarag uhlis d Tkadimit Taɣelnawt Tacinwat n Tenbaḍt (CNAG) ɣef « temlilt n yiduba idiganen deg umennuɣ mgal tkaɣeft n Covid-19 », iḥettet-d Mass Mounji ɣef tḍullit n usejhed n unmireg d temsetlelt tagraɣlant i uqabel n tkaɣreft-a d yisemda-nnes ay iḥuzan akk idisan n tmetti d tdamsa, am wakken ay d-yesmekti dakken Lezzayer tger-d ya tiɣri i ticcurka tanmaḍalt d « tamakkit » i lmend n tukksa n tkaɣreft-a.

Yenna-d dakken tamsalt-a d yiwet seg tenqiḍin tigejdanin n umyager-a azzayri-acinwat, yernu iwekked-d idisan yemgerraden n ticcurka d temsetlelt gar Lezzayer d Ccinwa d « amedya yelhan i uḍfar » deg tallit-a.

Amyager-a yella-d « d izen i ukemmel n tigawt d tmeṣkiwt ula ma tewɛeṛ tegnit », ɣef wakken ay d-yerna umasay-a.

Ula ma tasmektayt n ticcurka « taneẓẓawt d tɣarant » ay ssefrant Lezzayer d Ccinwa ad tt-ḍefrent i useggas-a ur t-snisen ara s lekmal-nnes ɣef lǧal n tkaɣreft, maca llan-d deg-s yisurifen d ixataren gar-asen tuqqla ɣer unadi ucrik ay d-yebdan deg tgaa n 2019 yernu wa d armud ara ifaken uqbel tagara n 2020, ɣef wakken ay d-yerna.

 

Last modified on Akwas, 10 Dujembeṛ 2020 12:53
Yessefk usejhed n unmireg agraɣlan i uqabel n waḍḍan n Covid-19
  Yeffeɣ-d ass n : Akras, 09 Dujembeṛ 2020 10:31     Taggayt : LEZZAYER     Ɣran-t : 0 n tikkal   Bḍu